Učora źjaviłasia videa, na jakim fiuzielaž i asobna kryły pieravoziać na aŭtatrejlerach.
U pačatku sakavika samalot adpravili na restaŭracyju na Minski zavod hramadzianskaj avijacyi № 407, piša Blizko.by.
Voś jak vyhladaŭ samalot da restaŭracyi.
A voś jak zaraz:
U płanach administracyi — dalejšaje dobraŭparadkavańnie prylehłaj terytoryi, kab heta znakavaje miesca stała jašče bolš kamfortnym i pryvabnym dla žycharoŭ i haściej rajona.
Samalot staić na svaim pastamiencie ŭžo bolš za 40 hadoŭ. Tady, u 1982 hodzie, da 40‑hodździa 1‑ha asobnaha Tylzickaha ordena Čyrvonaj Zorki pałka suviazi 1‑j pavietranaj armii pa prośbie jaho kamandavańnia samalot dastavili z aeradroma Babrovičy (Homielskaja vobłaść) u staličnuju Ściapianku.
Pieršapačatkova jon mieŭ bartavy numar «77», ale paśla pierajmienavańnia hałoŭnaj vulicy ŭ honar Uładzimira Karvata bartavy numar byŭ źmienieny na «29» — jak u samalota, na jakim u 1996 hodzie zahinuŭ padpałkoŭnik Karvat.
U samalota navat jość svoj aficyjny adras: Minsk, vulica Karvata, 5Je.
Kamientary