Papa pryznačyŭ byłoha nielehalnaha mihranta z Salvadora kiravać dyjacezijaj u Zachodniaj Virdžynii
Evielia Mienchivar-Ajała ŭžo krytykavaŭ antymihracyjnuju palityku ZŠA.
Papa Leŭ XIV pryznačyŭ kiraŭnikom dyjacezii Uilinha-Čarłstona ŭ štacie Zachodniaja Virdžynija biskupa Evielia Mienchivara-Ajała — vychadca z Salvadora, jaki ŭ maładości niekalki razoŭ nielehalna sprabavaŭ trapić u ZŠA, piša Fox News.
Historyja jaho mihracyi nietryvijalnaja. Padletkam jon uciakaŭ z achoplenaj partyzanskaj vajnoj krainy — i kožny raz jaho zatrymlivali. Pieršy raz mieksikanskija ŭłady departavali jaho ŭ Hvatemału. Druhaja sproba — praz hvatemalskija džunhli — skončyłasia tym, što jon viarnuŭsia dadomu sam. Treciaja zaviała jaho ŭ mieksikanskuju turmu, adkul jaho vyzvalili tolki paśla chabaru. Urešcie ŭ ZŠA jaho pravioz pažyły amierykaniec — Mienchivar-Ajała i jašče troje schavalisia ŭ bahažniku jaho aŭtamabila na pamiežnym punkcie San-Isidra.
U Amierycy jon pačynaŭ z prybiralščyka na składzie UPS u Merylendzie, potym staŭ moładzievym ministram i atrymaŭ vid na žycharstva. Biskupam Mienchivar-Ajała staŭ značna paźniej.
Pryznačeńnie vyklikała šyrokaje abmierkavańnie — pierš za ŭsio praz palityčny kantekst. Novy biskup publična krytykavaŭ antymihracyjnuju palityku administracyi Trampa: u 2025 hodzie jon apublikavaŭ artykuł u Catholic Standard, u jakim paraŭnaŭ stanovišča mihrantaŭ z pakutami Chrysta i nazvaŭ niekatoryja dziejańni ŭładaŭ «parušeńniem asnovatvornych pravoŭ čałavieka».
Adnosiny pamiž Vatykanam i Biełym domam i biez taho napružanyja. Leŭ XIV užo paśpieŭ asudzić vajnu na Blizkim Uschodzie i padtrymać amierykanskich biskupaŭ, jakija krytykavali departacyi. Tramp u adkaz nazvaŭ Papu «słabym u pytańniach złačynnaści i źniešniaj palityki», choć i dadaŭ, što «nie maje ničoha suprać» jaho asabista i maje prava nie pahadžacca.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB45
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary