U Izraili pastavili pomnik babrujskamu aktyvistu Uładzimiru Usieru, jaki pamior u śniežni
Fota pomnika Uładzimiru Usieru źjaviłasia ŭ siecivie.
«Časam cišynia havoryć bolš, čym tysiačy čužych słoŭ. Siońnia možna skazać hałoŭnaje: tata narešcie zdabyŭ spakoj. Usio adbyłosia tak, jak i pavinna było — z pavahaj, z hodnaściu, tam, dzie jamu i miesca», — napisała dačka Usiera Maryna Avitan.
Jana adznačyła, što «ŭvieś praces zaniaŭ bolš času, čym zvyčajna». «Heta źviazana z abjektyŭnymi pryčynami: biurakratyčnyja pracedury, afarmleńnie dakumientaŭ, dazvoły i ŭsie nieabchodnyja ŭdakładnieńni. Akramia taho, situacyja ŭ krainie taksama adyhrała svaju rolu — u tym liku ahulnaja abstanoŭka i toje, što častka ludziej była zadziejničana ŭ słužbie, što, naturalna, upłyvaje na chutkaść pracesaŭ. Tamu byli zatrymki i paŭzy, ale jak tolki źjaŭlałasia mahčymaść — usio adrazu praciahvałasia i ruchałasia dalej», — patłumačyła jana.
Jana apublikavała fota pomnika. U vierchnim levym kucie vyhraviravana Pahonia, jakaja ŭpisana ŭ Zorku Davida.
Taksama na pomniku cytata z Džona Lenana: «You may say I'm a dreamer, but I'm not the only one. I hope someday you will join us, and the world will live as ONE» (Ty možaš skazać, što ja letucieńnik, ale ja nie adzin taki. Ja spadziajusia, što kali-niebudź ty dałučyšsia da nas, i śviet budzie jak adno cełaje).
Uładzimir Usier pamior 6 śniežnia ŭ Biełastoku.
Uładzimir apošnim časam byŭ pad śledstvam pa spravie ab špijanažy ŭ Polščy. Pavodle źviestak polskaj prakuratury, troje biełarusaŭ i dvoje ŭkraincaŭ z sakavika 2024 hoda da lutaha 2025‑ha supracoŭničali z zamiežnaj raźviedkaj i vykonvali roznyja zadańni, jakija atrymlivali z paviedamleńniaŭ u telehramie.
Ale siłaviki pakinuli jaho ŭ špitali praz drenny stan zdaroŭja. Suda jon čakaŭ na voli.
Jašče raniej Usier źniaŭsia ŭ prapahandysckim filmie BT. Jon źniaŭ niekalki siužetaŭ u Biełastoku, jakija potym vykarystali ŭ ahitcy «Čužoje nieba».
-
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było
-
20‑hadovaha minčuka zatrymali pierad tym, jak jon paśpieŭ pradać pieršuju dozu narkotyku 16‑hadovaj dziaŭčynie
-
U Mahilovie staŭ pracavać adkryty skaładrom. Jon samy vysoki ŭ Biełarusi
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary
Jość pytańnie, čamu jana hetaja hrošy nie vykarastała na dapamohu jamu ŭ svoj čas i nie była z im, kab u jaho nie było nieabchodnasci źviazvacca z prapahandystami.
U vas faktov nol, zato viersija — kak budto iznutri.