Ceny na naftu praciahvajuć źnižacca ŭ sieradu ranicaj paśla padzieńnia pa vynikach tarhoŭ u aŭtorak.
Lipieńskija fjučarsy na hatunak Brent na łondanskaj biržy ICE Futures pavodle danych na 8:09 tarhujucca pa $108,1 za baral — na $1,77 (1,61%) nižej, čym na zakryćci papiarednich tarhoŭ. Napiaredadni hetyja kantrakty patańnieli na $4,57 (4%), da $109,87 za baral.
Fjučarsy na naftu West Texas Intermediate (WTI) na červień na elektronnych tarhach New York Mercantile Exchange (NYMEX) źnizilisia ŭ canie da hetaha času na $1,86 (1,82%), da $100,41 za baral. Pa vynikach papiaredniaj siesii ich košt pamienšyŭsia na $4,15 (3,9%), da $102,27 za baral.
U centry ŭvahi rynku zastajecca situacyja na Blizkim Uschodzie.
Donald Tramp zajaviŭ u aŭtorak pra «značny prahres u dasiahnieńni poŭnaha i kančatkovaha pahadnieńnia» ź Iranam. Jon taksama paviedamiŭ, što ZŠA «na karotki pieryjad» prypyniajuć «Prajekt Svaboda» pa supravadžeńni sudnaŭ praz Armuzski praliŭ. kab acanić mahčymaści dapracoŭki i zaklučeńnia mirnaj ździełki z Tehieranam.
Hetaja zajava była ŭspryniata jak sihnał pra mahčymuju deeskałacyju i vyklikała nadziei na pastupovaje adnaŭleńnie pastavak ź Piersidskaha zaliva.
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary