Pad Hrodnam ryś vyjšła ź lesu i paziravała ludziam na biervianie VIDEA
Pad Hrodnam ludzi zaŭvažyli dzikuju ryś. Niezvyčajnaja sustreča adbyłasia niedaloka ad ahraharadka Aziory, na darozie pamiž Novaj Rudoj i Aziorami, piša Newgrodno.by.
Dla taho, kab pabačyć hetu žyviolinu, nie daviałosia navat iści ŭ les — ryś sama vyjšła blizka da darohi i siadzieła na vialikim biervianie prosta na ŭzbočynie. Pavodziła siabie jana vielmi spakojna i rassłablena, nahadvajučy svojskaha kata, jaki adpačyvaje paśla taho, jak pajeŭ. Pry hetym drapiežnik uvažliva naziraŭ za ludźmi, što zdymali jaho na videa.
Aŭtar rolika adznačyŭ, što dobra, što ryś nie prajaviła ahresii. Śpiecyjalisty, adnak, nahadvajuć, što hetyja žyvioły zvyčajna nie napadajuć na čałavieka biez pryčyny. Niebiaśpieka moža ŭźniknuć tolki ŭ tym vypadku, kali źviera mocna napałochać abo spravakavać. Tamu pry sustrečy z ryśsiu lepš nie padychodzić blizka i nazirać za joj zdalok.
Ryś zaniesiena ŭ Čyrvonuju knihu Biełarusi, tamu škoda, naniesienaja hetaj žyviole, karajecca zakonam. U apošnija hady kolkaść rysiaŭ u krainie pastupova pavialičvajecca. Na kaniec 2025 hoda ŭ Biełarusi naličvałasia kala dźviuch tysiač asobin, tamu sustrečy z hetymi drapiežnikami ŭ lasach stanoviacca ŭsio bolš častymi.
Ich navat zrabili abmiežavana palaŭničym vidam i ŭ minułym hodzie adkryli palavańnie. Praŭda, šmat achvotnych upalavać hetych źviaroŭ pakul što nie nabirajecca: kiraŭnik Biełaruskaha tavarystva palaŭničych i rybałovaŭ Ihar Šunievič niadaŭna narakaŭ, što hadavaja kvota i blizka nie vybranaja: z 57 zapłanavanych žyvioł zabili tolki 6.
U Prypiackim nacyjanalnym parku pakazali, jak miaŭkajuć biełaruskija rysi VIDEA
Šunievič: Adzinaja meta dazvołu palavańnia na miadźviedziaŭ i rysiaŭ — dać bolš svabody palaŭničym u vybary trafiejaŭ
U Biełaviežskaj puščy fotapastka zafiksavała dvuch rysiaŭ VIDEA
Žychar Babrujska palavaŭ na dzika, a padstreliŭ ryś
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran
Kamientary