U rehijonach pačali stavić tak zvanyja picamaty. U ich kruhłasutačna i za niekalki chvilin možna kupić haračuju picu. Miarkujučy z abjavy na aŭtamacie, strava hatujecca ŭsiaho za 3 chviliny. Žurnalisty Tochka.by vyvučyli asartymient i ceny, a taksama mierkavańni ludziej.
Burny ažyjataž vyklikała źjaŭleńnie takoj mašyny ŭ Rečycy. Ahlad navinki vykłała miascovaja błohierka.
«Vy takoje dzie-niebudź jašče bačyli?! Ja ŭ šoku, kali ščyra», — napisała jana. Tyktokierka taksama pratestavała aparat.
Paśla pryhatavańnia dziaŭčyna zajaviła, što heta «jaŭleńnie picy narodu». Taksama, pavodle jaje słoŭ, pradukt byŭ «śviežańki».
Što datyčyć cen, to, miarkujučy pa videa, samaj tannaj była pica «Marharyta» za 17,9 rubla. U siarednim ceny vahajucca ad 22,9 da 23,9 rubla za ŭpakoŭku.
Taksama ŭ mieniu byli zaŭvažanyja takija picy: miasnaja, z hrušaj i syram dorblu, a taksama ź viandlinaj i hrybami.
Ceny jak u piceryi
Jak zvyčajna, u kamientaryjach mierkavańni padzialilisia. Mnohich nie zadavalniaŭ košt, a taksama niekatoryja ličyli, što picamat «praź miesiac złamajuć», i nazyvali jaho «šajtan-mašynaj».
Niekatoryja sumniavalisia ŭ śviežaści praduktu. Tak, adna karystalnica adznačyła, što ŭ susiedniaj kramie budzie tańniej — «ź piečy, dy jašče i dakładna śviežaja».
Znajšlisia i tyja, chto zusim nie daviaraje technałohii.
«Pakazvali razborku aŭtamata, kavavaha, tam byli čarviaki, a tut što budzie?» — zadajucca pytańniem u sietcy.
Karystalnicy Maryjcy taksama nie spadabałasia ideja. Na jaje dumku, pica vyhladaje «nieapietytna za takija hrošy».
Ale nie ŭsie byli takimi kateharyčnymi.
«Kruhłasutačnaja pica — kłas!» — napisaŭ karystalnik.
Jašče adzin kamientatar vyrašyŭ dać svaje parady.
«Zrabili b choć canu mienšuju, raschodaŭ ža mienš u ŭładalnikaŭ», — vykazaŭ zdahadku jon.
Jon paraŭnaŭ ahučanuju sumu z cenami ŭ piceryi, skazaŭšy, što ŭ piccamacie niekatoryja vidy atrymlivajucca daražejšymi, čym u kaviarni.
Kamientary