Mytnia italjanskaha horada Koma, što ŭ rehijonie Łambardyja, zatrymała hruzavik pad kiravańniem biełarusa z-za nieadpaviednaści katehoryi hruzu, jaki pieravoziŭsia, zajaŭlenaj, piša sajt «Biełaruś i mir».
Jak skazana ŭ pres-relizie, fura ź litoŭskaj rehistracyjaj kiravałasia z Francyi tranzitam i ŭ pracesie kančatkovaha ŭjezdu ŭ ES padvierhłasia dbajnaj praviercy.
Analiz dakumientaŭ adrazu pakazaŭ razychodžańnie. Zajaŭleny jak «inšyja vyraby z žaleza i stali» hruz pa fakcie akazaŭsia tym, što pavinna kvalifikavacca jak adkidy.
Pieravozčyk pry hetym nie byŭ zarehistravany, jak taho patrabujuć praviły, u adpaviednym ekałahičnym rejestry.
Transpartny srodak i 24 tony cynkavaha popiełu ŭ 13 kantejnierach koštam bolš za 40 tysiač jeŭra byli previentyŭna aryštavanyja. U kiroŭcy taksama časova zabrali paśviedčańnie kiroŭcy.
U nastupnyja paśla zatrymańnia fury dni naš suajčyńnik vypłaciŭ 6 500 jeŭra ŭ vyhladzie štrafu.
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak8
Kamientary
Voś tak i byvaje. "Vialikija prychilniki sankcyj i baradźbity za cisk" zajmajucca kantrabandaj.
Kiroŭcu vykarystali ŭ svaich metach. Jen navohuł i viedać nie moh što ŭ kantejnierach. Hruz zavantažyli ŭ kropkie "A" kab dastavić ŭ kropku "V". Kantejniery kaniešnie začynieny i z płombami. Dali dakumienty. I kiruj.
Voś cikava a kampanija jakoj naležyła fura zastałasia biez štrafu?
I što heta za kampanija kab ludzi viedali čorta ź jakim nielha źviazvacca.