Taliby pačali kanfiskoŭvać telefony ŭ svaich čynoŭnikaŭ.
Lidar ruchu «Taliban» Chajbatuła Achundzada vydaŭ novaje vusnaje rasparadžeńnie, jakoje zabaraniaje členam ruchu i dziaržaŭnym słužboŭcam karystacca smartfonami.
U dakumiencie adznačajecca, što parušalniki buduć ličycca pravaparušalnikami i mohuć paŭstać pierad vajennym sudom.
Rasparadžeńnie było razasłanaje Ministerstvam justycyi talibaŭ kiraŭnikam vajennych sudoŭ, jakija dziejničajuć pad kiravańniem vajennaha padraździaleńnia Viarchoŭnaha suda ruchu ŭ vaśmi zonach krainy. Pra dyrektyvu taksama byli apavieščanyja kiraŭniki palicyi i kiraŭniki raźviedvalnych struktur u hetych rehijonach.
Try dni tamu asobnaje rasparadžeńnie isłamskaha adukacyjnaha departamienta Ministerstva adukacyi talibaŭ zabaraniła vučniam prynosić smartfony ŭ škoły i relihijnyja navučalnyja ŭstanovy.
Kamientary