Žychar adnaho z ahraharadkoŭ Kruhlanskaha rajona jašče spaŭ, pakul u susiedniaj vioscy ratavalniki ŭžo tušyli achopleny połymiem jaho skradzieny aŭtamabil.
Uładalnik lehkavuški Peugeot 405 pakinuŭ jaje niezačynienaj, dy jašče i z klučami ŭ zamku zapalvańnia. Hetym skarystaŭsia 38‑hadovy adnaviaskoviec. Pjany mužčyna vyrašyŭ źjeździć u hości da pryjaciela ŭ susiedniuju viosku na čužoj mašynie.
Adnak pjanaja pajezdka doŭžyłasia niadoŭha. Prykładna za čatyry kiłamietry kiroŭca straciŭ kantrol nad mašynaj, źjechaŭ z darohi i na chutkaści prataraniŭ apornuju liniju elektrapieradač.
Ad mahutnaha ŭdaru Peugeot zahareŭsia. Sam kiroŭca cudam nie paciarpieŭ — jon vybraŭsia z sałona i pajšoŭ dadomu spać.
Na miesca zdareńnia pryjechali pažarnyja, adnak ahoń i ŭdar nanieśli mašynie takija paškodžańni, što aŭtamabil adnaŭleńniu nie padlahaje.
Padazravany byŭ zatrymany. Na jaho adrazu ŭkazaŭ i sam paciarpieły, jaki zapadozryŭ u złačynstvie svajho susieda.
Ale hałoŭnym dokazam datyčnaści mužčyny da złačynstva stali vyniki ekśpiertaŭ. Na miescy, adkul byŭ skradzieny Peugeot, ekśpiert-kryminalist znajšoŭ ślady abutku.
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary