Rada Jeŭropy vystaŭlaje dadatkovyja ŭmovy adnaŭleńnia dla Biełarusi statusu śpieczaprošanaha ŭ PARIE.
Admiena śmiarotnaj kary źjaŭlajecca hałoŭnaj, ale nie adzinaj umovaj adnaŭleńnia dla Biełarusi statusu śpieczaprošanaha ŭ Parłamienckaj asamblei Rady Jeŭropy. Ab hetym zajaviła siońnia žurnalistam dakładčyk pa Biełarusi ŭ PARIE Sinika Churskajnien, pieradaje karespandent BIEŁTA.
Pavodle słoŭ dakładčyka pa Biełarusi ŭ PARIE, dla adnaŭleńnia statusu śpieczaprošanaha buduć taksama ŭličvacca pytańni, źviazanyja sa svabodaj ŚMI, pravami čałavieka i demakratyjaj. Pry hetym jeŭrapiejski palityk padkreśliła, što pry pryniaćci rašeńnia ab admienie śmiarotnaj kary ŭ Biełarusi jana ličyć abaviazkovym i naturalnym uličvać hramadskuju dumku. Jak viadoma, pakul bolšaść (amal 80 pracentaŭ) biełarusaŭ vystupajuć za zachavańnie śmiarotnaj kary.
Sinika Churskajnien adznačyła, što metaj jaje vizitu ŭ Biełaruś źjaŭlajecca zbor infarmacyi dla padrychtoŭki novaj spravazdačy ab situacyi ŭ krainie. Jana nahadała, što papiaredniaja spravazdača była zroblena Andrea Ryhoni, i ŭ joj źmiaščalisia kankretnyja rekamiendacyi. Novy dakładčyk pa Biełarusi ŭ PARIE maje namier daviedacca, jak idzie vykanańnie hetych rekamiendacyj. U jakaści pazityŭnych źmianieńniaŭ jana adznačyła palapšeńni ŭ rabocie mas-miedyja, u pryvatnaści, zhadała ab tym, što ŭ hramadstvie i parłamiencie razhornuta šyrokaja dyskusija nakont śmiarotnaj kary. U čas znachodžańnia ŭ Biełarusi Sinika Churskajnien budzie źviartać asablivuju ŭvahu na nastupnyja try pazicyi: pravy čałavieka, demakratyja i viaršenstva zakona - klučavyja pazicyi dla PARIE.
Paśla sustrečy z žurnalistami Sinika Churskajnien pradoŭžyła razmovu z pradstaŭnikami niaŭradavych arhanizacyj. Jaje vizit u Biełaruś zavieršycca 25 žniŭnia.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary