RSN: Łukašenka sustrakaŭsia z pałkoŭnikam Kvačkovym
Łukašenka i Kvačkoŭ fakt sustrečy abviarhajuć.
U minułuju piatnicu adbyłasia sustreča kiraŭnika Biełarusi A. Łukašenki i pałkoŭnika HRU Uładzimira Kvačkova, abvinavačanaha kaliści ŭ zamachu na Čubajsa.
Sustreča prajšła ŭ zakrytym ad presy režymie.
Pavodle infarmacyi «Rasiejskaj słužby navin», paśla sustrečy ź biełaruskim kiraŭnikom Kvačkoŭ vystupiŭ na aficerskim schodzie, dzie zajaviŭ, što
«Rasija straciła zdolnaść da ŭzbrojenaj abarony svajoj dziaržaŭnaści. Strata hetaj zdolnaści vyklikanaja nie parazaj na palach bitvaŭ, a zdradaj kiroŭnaha dziaržaŭnaha płasta», a taksama abvinavaciŭ pieršych asobaŭ krainy va ŭstalavańni «libieralna-nacysckaj dyktatury».
Uładzimir Kvačkoŭ — pałkoŭnik HRU Hienieralnaha štaba Uzbrojenych sił Rasii ŭ adstaŭcy.
U 2005 byŭ aryštavany pa abvinavačańni ŭ zamachu na kiraŭnika RAT JEES Rasii Anatola Čubajsa. U žniŭni 2009 prysiažnyja vynieśli apraŭdalny vierdykt.
Jak raniej paviedamlała «Naša Niva», słova Kvačkovu dała biełaruskaja ŭradavaja hazieta «Respublika». Intervju supravadžałasia chvalebnymi vodhukami pra Kvačkova jak «vydatnaha siemjanina i patryjota svajoj Ajčyny». Kvačkoŭ u joj chvalić biełaruski režym i narakaje na rasijski: «Absalutnaj bolšaści karennych narodaŭ Rasii stanoviacca vidavočnymi nastupstvy
Paźniej u sieradu źjavilisia paviedamleńni, u jakich i Alaksandr Łukašenka, i pałkoŭnik Kvačkoŭ fakt sustrečy abvierhli. Adnak, paćviardžajecca fakt sustrečy Kvačkova z aficerami Uzbrojenych sił Biełarusi.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary