Padčas Minskaha foruma adbyŭsia praciah dyskusii pamiž namieśnikam ministra ekanomiki Biełarusi Andrej Turam i pretendentam na pasadu prezidenta Jarasłavam Ramančukom.
Padčas praviadzieńnia CHIII Minskaha foruma razhareŭsia praciah dyskusii nakont ekanamičnaha raźvićcia krainy pamiž namieśnikam ministra ekanomiki Biełarusi Andrej Turam i pretendentam na pasadu prezidenta Jarasłavam Ramančukom.
Pieršaja sprečka była zavočnaj i datyčyłasia «ekanamičnaha ekstremizmu».
Paŭtara tydni tamu Andrej Tur, adkazvajučy na pytańni žurnalistaŭ nakont prahramy Ramančuka «Miljon pracoŭnych miescaŭ», zajaviŭ, što bačyć u joj prajavy «ekanamičnaha ekstremizmu».Ramančuk adkazaŭ u internecie artykułam, u jakim pryvioŭ dziesiać prykmietaŭ ekstremizmu u biełaruskim ekanamičnym kursie.
Praciah sprečki adbyŭsia padčas CHIII Minskaha foruma datyčyŭsia efiektyŭnaj pryvatyzacyi.
Ramančuk miarkuje, što lubaja pryvatyzacyja, praviedzienaja ŭ kankurentnych umovach, efiektyŭnaja. «A nie toje, što vystavili na prodaž piać bujnych pradpryjemstvaŭ — i nie atrymali nivodnaj prapanovy, tamu što pakupnikam davali ŭ nahruzku 25 dadatkovych umoŭ, — aburajecca Ramančuk. —Ci kali kamuści pradavali ziamlu ŭ centry Minska». Kampanija, jakaja pryvatyzuje pradpryjemstva, maje prava rabić ź im što zaŭhodna, miarkuje ekanamist. «Heta suśvietnaja praktyka», — upeŭnieny jon.
Andrej Tur pierakanany, što treba pierastrachovaŭcca: «A kali jany vykupiać pradpryjemstva i spyniać vytvorčaść, kab nie stvarać kankurencyi takim samym zavodam u Rasii i Ukrainie?»
Dziaržava musić kłapacicca pra ludziej i pracoŭnyja miescy, miarkuje namieśnik ministra ekanomiki Biełarusi.«Vy supiarečycie sabie, Jarasłaŭ. Vy chočacie stvaryć miljon pracoŭnych miescaŭ, ale nie dumajecie pra ŭžo isnujučyja» , — zajaviŭ Andrej Tur.
Ź jarłyka «ekanamičny ekstremizm» u dačynieńni da Ramančuka Andrej Tur pierajšoŭ na inšy, mienš radykalny — «ekanamičny ramantyzm».
Ramančuk, u svaju čarhu, prapanavaŭ pierajści da adkrytaj hramadskaj dyskusii: «Pryjšoŭ čas pieranieści na publiku toje, što my z vami, Andrej Mikałajevič, abmiarkoŭvajem u kułuarach».
Zadajučy adno z pytańniaŭ, viciebski žurnalist źviarnuŭsia da vystupoŭcaŭ «spadar Ramančuk i tavaryš Tur», čym vyklikaŭ prychilnyja uśmieški prysutnych.
Namieśnik ministra ekanomiki vystupaje za pavolnyja i aściarožnyja reformy ŭ haspadarcy, u toj čas jak pretendent na pasadu prezidenta prapanuje chutki pierachod na rynkavaj ekanomiki.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach88
Kamientary