U Śvietłahorskim rajonie znojdziena masavaje pachavańnie sałdat Viermachta
Pachavańnie było praviedziena niamieckaj armijaj pry adstupleńni ŭ 1944 hodzie paśla žorstkich bajoŭ.
U haradskim pasiołku Paryčy Śvietłahorskaha rajona 3 listapada znojdziena masavaje pachavańnie niamieckich sałdat časoŭ Druhoj suśvietnaj vajny.
Jak paviedamili ŭ prakuratury Śvietłahorskaha rajona, pošukavy bataljon znajšoŭ astanki 40 čałaviek. Raboty praciahvajucca. Raskopki viaducca pamiž dvuma domaŭładańniami, na miescy, dzie raniej stajała carkva.
Pachavańnie było praviedziena niamieckaj armijaj, jak miarkujecca, pry adstupleńni ŭ 1944 hodzie paśla žorstkich bajoŭ. Miesca pachavańnia ŭkazali miascovyja žychary, źviestki ab mahile značacca i ŭ archiŭnych materyjałach. Zhodna z dakumientami, u Paryčach pavinny być pachavany 65 niamieckich sałdat.
Pošukavy bataljon znachodzić imiannyja žetony, mnohija ź jakich dobra zachavalisia. Paśla znachodžańnia ŭsich astankaŭ ich praduhledžvajecca pierapachavać.
-
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu
-
Śvirski zvon akazaŭsia žyrovickim «Kanstanciusam». Historyk vyśvietliŭ pachodžańnie pomnika biełaruskaha lićcia z katalickim hierbam i kiryličnaj malitvaj
-
«Kava z historykam» zaprašaje na kruhły stoł pra sud i prava ŭ Vialikim Kniastvie Litoŭskim
Kamientary