Paŭabaronca BATE Renan Bresan ustanaviŭ kančatkovy lik u matčy suprać «Šeryfa» (3:1) i tym samym zrabiŭ padarunak kamandzie, trenieru i samomu sabie — za dzień da hulni ŭ futbalista byŭ dzień naradžeńnia.
«Na niejkim adrezku „Šeryf“ vyhladaŭ lepš. Ale my zabili druhi hoł, i ŭsio ŭstała na svaje miescy. Liču, lik zakanamierny. Doma zaŭsiody lahčej hulać. Choć heta i nie naša pole, adnak jeŭrakubki my pravodzim na im. U dadatak była vydatnaja padtrymka zaŭziataraŭ.
(…)
Dzień naradžeńnia pierad hulnioj nie śviatkavaŭ, ale chłopcy pavinšavali. Voś paśla hulni adznačyli i jašče budziem adznačać. Moža być,
Naohuł, pieramoha — najlepšy padarunak dla mianie.Pamiataju, u Sasnoŭskaha taksama byŭ dzień naradžeńnia ŭ dzień matču, u toj raz my taksama vyjhrali. Mnie navat tata ŭčora sms napisaŭ, u jakim pavinšavaŭ mianie i pažadaŭ zabić hoł.
Dla nas važna zaniać pieršaje miesca ŭ hrupie, u astatnich hulniach budziem nastrojvacca tolki na pieramohi.
16 ačkoŭ? A čamu b i nie! Viadoma, ciažka kazać napeŭna, ale pastarajemsia prykłaści namahańni dla takoha vyniku», — zapeŭniŭ Renan Bresan.
2 śniežnia ŭ Minsku BATE zhulaje z kijeŭskim «Dynama». Faktyčna ŭ hetym matčy budzie rašacca, chto zojmie pieršaje miesca ŭ hrupie.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary