Kali jon vychodziŭ z balnicy, na jaho nakinulisia ludzi ŭ cyvilnym, u čornym adzieńni i zakinuli ŭ bieły mikraaŭtobus.
Kandydat u prezidenty Vital Rymašeŭski zatrymany ŭ Minsku,
paviedamiŭ adkazny sakratar arhkamiteta pa stvareńni partyi «Biełaruskaja chryścijanskaja demakratyja» (BCHD) Dzianis Sadoŭski.
Pavodle jaho słoŭ, padčas akcyi 19 śniežnia ŭ Minsku na płoščy Niezaležnaści Rymašeŭski atrymaŭ traŭmu hałavy. «Jaho dastavili ŭ balnicu chutkaj dapamohi, kab akazać miedycynskuju dapamohu. Rymašeŭskamu zrabili pieraviazku. Kali jon vychodziŭ z balnicy, na jaho nakinulisia ludzi ŭ cyvilnym, u čornym adzieńni, zakinuli ŭ bieły mikraaŭtobus i pavieźli ŭ nieviadomym kirunku», — paviedamiŭ Sadoŭski.
Pavodle jaho słoŭ, zatrymana taksama davieranaja asoba kandydata ŭ prezidenty Iryna Hubskaja i jašče siem aktyvistaŭ BCHD z rehijonaŭ.
Akramia taho, adznačyŭ Sadoŭski, zatrymany kiraŭnik vybarčaha štaba Rymašeŭskaha Pavieł Sieviaryniec. «Jon znachodzicca va UUS Maskoŭskaha rajona», — skazaŭ Sadoŭski.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu
Kamientary