Miniust patrabuje ŭ BAŽ tłumačeńniaŭ
jakim punktam svajho statutu kiravałasia arhanizacyja, vystupajučy ŭ abaronu «ŭdzielnikaŭ masavych biesparadkach u h. Minsku 19.12.2010».
jakim punktam svajho statutu kiravałasia arhanizacyja, vystupajučy ŭ abaronu «ŭdzielnikaŭ masavych biesparadkach u h. Minsku 19.12.2010».
Zapyt tyčycca zajavy pratestu, pryniataj HA «BAŽ» u źviazku z padziejami 19 śniežnia ŭ Minsku.
Ministerstva justycyi «prapanuje» žurnalisckaj arhanizacyi da 24 śniežnia paviedamić, jakim punktam svajho statutu jana kiravałasia, vystupajučy ŭ abaronu «hramadskich aktyvistaŭ, što pryniali ŭdzieł u masavych biesparadkach u h. Minsku 19.12.2010».
Aficyjny list za podpisam načalnika ŭpraŭleńnia pa pytańniach niekamiercyjnych arhanizacyj Kiryčenki pryjšoŭ u BAŽ pa faksie 21 śniežnia.
«Hramadskaje abjadnańnie «Biełaruskaja asacyjacyja žurnalistaŭ» vykazvaje rašučy pratest suprać šakujučaha faktu prymianieńnia siły supracoŭnikami milicyi ŭ dačynieńni da žurnalistaŭ i hramadskich aktyvistaŭ uviečary 19 śniežnia», — havaryłasia ŭ zajavie.
«Ja źviazvaju list Miniusta ź niadaŭniaj zajavaj ministra Hałavanava pra namier «dać acenku ŭdziełu palityčnych partyj i hramadskich abjadnańniaŭ u akcyi apazicyi ŭ dzień prezidenckich vybaraŭ 19 śniežnia, — prakamientavaŭ list namieśnik staršyni HA «BAŽ» Andrej Bastuniec. — My dašlem adkaz va ŭkazany ŭ liście termin. Ale sam zvarot Miniustu ja rasceńvaju jak umiašalnictva ŭ svabodu vykazvańnia mierkavańnia, harantavanaje Kanstytucyjaj (art. 33, 34)».
Pavodle art. 33 Kanstytucyi, «kožnamu harantujecca svaboda mierkavańniaŭ, pierakanańniaŭ i ich svabodnaje vykazvańnie».
Pavodle art. 34 Kanstytucyi, «hramadzianam Respubliki Biełaruś harantujecca prava na atrymańnie, zachavańnie i raspaŭsiud poŭnaj, praŭdzivaj i svoječasovaj infarmacyi pra dziejnaść dziaržaŭnych orhanaŭ, hramadskich abjadnańniaŭ, pra palityčnaje, ekanamičnaje, kulturnaje i mižnarodnaje žyćcio…»
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary