21-hadovaj dziaŭčynie, jakoj 19 śniežnia pierabili nahu, zroblena apieracyja + videa
Maja Abromčyk upała, ale jaje praciahvali źbivać dubinkami i nahami, niahledziačy na kryki ab paratunku.
U časie razhonu demanstracyi 19 śniežnia była mocna paraniena 21-hadovaja Maja Abromčyk. Jak stała viadoma «Našaj Nivie», 21 śniežnia ŭ 6-j kliničnaj balnicy Minska joj była zroblena apieracyja.
U jaje ciažki pierałom. Kostka holeni pierabityja nastolki, što naha defarmavałasia. Daktary adznačajuć, što apieracyja prajšła paśpiachova. Adnak nie harantujuć, što naha adnoviacca całkam.
Sa słovaŭ Mai Abromčyk, — studentki 4-ha kursa histfaka Biełaruskaha dziaržaŭnaha ŭniviersiteta — prykładna a 23.30 jana ź siabrami padyšli da płoščy Niezaležnaści. U hety čas tam praciahvałasia začystka demanstrantaŭ. Jany znachodzilisia daloka ad miesca padziej, na tratuary. Na Abromčyk z tryma siabrami-chłopcami napała hrupa amapaŭcaŭ u formie. Pačali bić dubinkami i nahami. Abromčyk upała, ale jaje praciahvali źbivać, niahledziačy na jaje kryki ab paratunku. Źbivali i jaje siabroŭ.
Kali źbićcio spyniłasia, im zahadali iści ŭ aŭtazak. Ale Maja samastojna iści nie mahła i jaje na rukach panios adzin z chłapcoŭ.
U aŭtazaku dziaŭčynu pravazili try hadziny i tolki nastojlivyja patrabavańni ŭsich zatrymanych pakazać paciarpiełuju lekaram prymusili amapaŭcaŭ pieravieźci jaje ŭ špital.
Maju dastavili ŭ šostuju kliničnuju balnicu, što na vulicy Uralskaj. Sa słovaŭ Mai, daktary žachnulisia — kostka holeni była razdroblenaja. Dziaŭčynu nakiravali na apieracyju.
Studentka lažyć u 1-m traŭmatałahičnym adździaleńni, pałacie №6.
Karespandenty «NN» naviedali ŭ špitali21-hadovuju Maju Abromčyk, jakaja ŭ časie razhonu demanstracyi 19 śniežnia śpiecnazaŭcy razdrabili nahu.
Zrabić repartaž całkam nie ŭdałosia — daktary zabaranili pravodzić zdymki ŭ pałacie Mai.
Čytajcie taksama:
* * *
«Naša Niva» budzie infarmavać pra dalejšaje raźvićcio padziej. Prosim paviedamlać pra ŭsie važnyja zdareńni i fakty praz [email protected]; telefony: +375 17 284-73-29 (teł./faks), +375 29 613-32-32 (Velcom), +375 29 707-73-29 (MTS).
Ciapier čytajuć
Radzilnyja damy spaborničajuć, u kaho 3 lipienia narodzicca bolš dziaciej14
Kamientary