Siarhiej Marcaleŭ, kiraŭnik vybarčaha štabu eks-kandydata ŭ prezydenty Mikoły Statkieviča, znachodzicca ŭ śledčym izalatary Kamitetu dziaržbiaśpieki. Pra heta paviedamiŭ pres-sakratar kamitetu ŭ abaronu pravoŭ źniavolenych «Nad barjeram» Cimoch Drančuk.
U noč na 23 śniežnia Marcaleŭ byŭ źniaty ź ciahnika Miensk — Varšava biełaruskimi pamiežnikami ŭ Bieraści i pieradadzieny milicyi. Jon jechaŭ u Varšavu na zaprašeńnie polskaha telekanału «Biełsat» na zapis pieradačy. Da ranicy 24 śniežnia Marcaleva trymali ŭ najbližejšym rajadździele milicyi, paśla čaho suviaź ź imi pierarvałasia.
Pra miescaznachodžańnie palityka stała viadoma tolki viečaram 24 śniežnia, kali jaho svajakam patelefanavali ź SIZA KDB.
Mikoła Statkievič źjaŭlajecca adnym ź siami eks-kandydataŭ u prezydenty, jakija prachodziać u jakaści padazravanych pa hetaj kryminalnaj spravie. U SIZA KDB jon abjaviŭ haładoŭku i admoviŭsia ad dačy pakazańniaŭ. Pavodle źviestak pravaabaroncaŭ, status padazravanych majuć 22 čałavieki. Marcaleŭ, takim čynam, staŭ 23-m.
Siarhiej Marcaleŭ u jakaści davieranaj asoby Statkieviča 5 śniežnia ŭdzielničaŭ u debatach kandydataŭ u prezydenty na pieršym kanale biełaruskaha radyjo.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB23
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary