Novym padazravanym staŭ Andrej Fiedarkievič, jaki byŭ aryštavany na 10 sutak administratyŭnaha aryštu i ŭtrymlivaŭsia ŭ Žodzinie.
Da 30 śniežnia śledztva pavinna pradjavić aryštavanym pa kryminalnaj spravie ab masavych biesparadkach u Miensku 19 śniežnia aficyjnaje abvinavačvańnie albo adpuścić ich.
Pavodle pravaabarončaha centru «Viasna», u spravie ab masavych biesparadkach u Miensku 19 śniežnia na siońniašni dzień 26 padazravanych. Ź ich 23 utrymlivajucca ŭ śledčym izalatary KDB, kandydaty na prezydenta Ryhor Kastusioŭ i Dźmitry Vus — pad padpiskaj ab niavyjeździe, Mikita Lichavid pavinien być dastaŭleny ŭ izalatar KDB bližejšym časam z Žodzinskaj turmy.
Apošni sa śpisu padazravanych — Andrej Fiedarkievič, jaki byŭ aryštavany na 10 sutak administratyŭnaha aryštu i ŭtrymlivaŭsia ŭ turmie ŭ Žodzina — užo pieraviedzieny ŭ izalatar KDB u Miensku.
Supracoŭniki KDB šukajuć taksama Mikitu Krasnova. 27 śniežnia ŭ jaho doma byŭ pieratrus, u pastanovie na praviadzieńnie jakoha status moładzievaha aktyvista byŭ taksama paznačany jak «padazravany».
29 śniežnia bolšaści padazravanych pavinny pradjavić abvinavačańnie abo pryniać rašeńnie ab ich vyzvaleńni.
Dvoje zatrymanych preventyŭna, Źmicier Daškievič i Eduard Łobaŭ, padazrajucca ŭ złosnym chulihanstvie. Termin aryštu im praciahnuli jašče na 10 sutak biez vystaŭleńnia abvinavačańnia.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB8
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary