Новым падазраваным стаў Андрэй Федаркевіч, які быў арыштаваны на 10 сутак адміністратыўнага арышту і ўтрымліваўся ў Жодзіне.
Да 30 сьнежня сьледзтва павінна прад’явіць арыштаваным па крымінальнай справе аб масавых беспарадках у Менску 19 сьнежня афіцыйнае абвінавачваньне альбо адпусьціць іх.
Паводле праваабарончага цэнтру «Вясна», у справе аб масавых беспарадках у Менску 19 сьнежня на сёньняшні дзень 26 падазраваных. Зь іх 23 утрымліваюцца ў сьледчым ізалятары КДБ, кандыдаты на прэзыдэнта Рыгор Кастусёў і Дзьмітры Вус — пад падпіскай аб нявыезьдзе, Мікіта Ліхавід павінен быць дастаўлены ў ізалятар КДБ бліжэйшым часам з Жодзінскай турмы.
Апошні са сьпісу падазраваных — Андрэй Федаркевіч, які быў арыштаваны на 10 сутак адміністратыўнага арышту і ўтрымліваўся ў турме ў Жодзіна — ужо пераведзены ў ізалятар КДБ у Менску.
Супрацоўнікі КДБ шукаюць таксама Мікіту Краснова. 27 сьнежня ў яго дома быў ператрус, у пастанове на правядзеньне якога статус моладзевага актывіста быў таксама пазначаны як «падазраваны».
29 сьнежня большасьці падазраваных павінны прад’явіць абвінавачаньне або прыняць рашэньне аб іх вызваленьні.
Двое затрыманых прэвэнтыўна, Зьміцер Дашкевіч і Эдуард Лобаў, падазраюцца ў злосным хуліганстве. Тэрмін арышту ім працягнулі яшчэ на 10 сутак без выстаўленьня абвінавачаньня.
Цяпер чытаюць
Хто забараняе ў Беларусі кнігі — вось гэтыя 22 чалавекі32
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары