«Hazprom»: Źnižeńnia cany na haz dla Biełarusi ŭ 2011 hodzie nie budzie

Damoŭlenaściaŭ ab źnižeńni cany na haz dla Biełarusi ŭ 2011 hodzie na hety momant niama, realii Adzinaj ekanamičnaj prastory (AEP) buduć uličany ŭ kantraktach na 2012–2013 hady.

Ab hetym paviedamiŭ u efiry radyjostancyi «Recha Maskvy» aficyjny pradstaŭnik «Hazproma» Siarhiej Kupryjanaŭ.

«My svaim surazmoŭcam u Biełarusi kažam, što jość kantrakt i zhodna ź im my budziem pracavać. Takich damoŭlenaściaŭ niama», — skazaŭ Kupryjanaŭ, adkazvajučy na pytańnie, ci jość damoŭlenaści ab źnižeńni cany hazu dla Biełarusi ŭ nastupnym hodzie.

U toj ža čas, pieradaje słovy Kupryjanava RIA Novosti, jon padkreśliŭ, što najaŭnaść kantraktu dazvalaje nie čakać prablem z pastaŭkami praź Biełaruś u Novy hod.

«Prablem ź pierachodam z 31 śniežnia na 1 studzienia my nie čakajem», — adznačyŭ pradstaŭnik «Hazproma».

Jon taksama dadaŭ, što ŭ novych kantraktach płanujecca ŭličyć stvareńnie AEP.

«Havorka idzie nie ab 2011-m, a ab 2012 i 2013 hadach. Jość damoŭlenaści, što ŭ novych kantraktach my pavinny ŭličyć realii Adzinaj ekanamičnaj prastory», — skazaŭ Kupryjanaŭ.

Pavodle jaho słoŭ, u kantraktach taksama budzie ŭličana toje, što ŭ Rasii adkładvajecca pierachod na roŭnadachodnyja ceny na haz, tady jak pry padpisańni dziejnaha kantraktu ź Biełaruśsiu hety pierachod byŭ zapłanavany na 2011 hod.

Kantrakt pamiž «Hazpromam» i «Biełtranshazam» na 2007–2011 hady praduhledžvaje, što ŭ 2008–2010 hadach dla Biełarusi dziejničajuć panižalnyja kaeficyjenty da cany na haz, a z 2011 hady Biełaruś pavinna vyjści na ŭzrovień cen, jaki zabiaśpiečvaje roŭnuju dachodnaść z pastaŭkami ŭ Jeŭropu.

Jak adznačaŭ namieśnik staršyni praŭleńnia «Hazproma» Valeryj Hołubieŭ, u 2011 hodzie panižalny kaeficyjent budzie roŭny adzincy i cana na haz dla Biełarusi składzie 230 dołaraŭ za tysiaču kubamietraŭ. U 2010 hodzie siaredniehadavaja cana na rasijski haz dla Biełarusi składaje 187 dołaraŭ.

Vice-premjer urada Biełarusi Andrej Kabiakoŭ na hetym tydni zajaviŭ, što Minsk i Maskva viaduć «składanyja» pieramovy pa canie na haz u 2011 hodzie. Jon nie ŭdakładniŭ pazicyju biełaruskaha boku, nahadaŭšy tolki, što Rasija ŭziała na siabie abaviazacielstvy pa vychadzie na roŭnadachodnaść unutranych i źniešnich cen na haz da 2015 hoda. Heta praduhledžana damovaj ab praviłach dostupu da pasłuh naturalnych manapolij, jakaja padpisana ŭ ramkach farmiravańnia AEP. Pry hetym trajektoryja pierachodu na roŭnadachodnyja ceny ŭ 2012–2014 hadach moža być roznaj, adznačyŭ Kabiakoŭ.

Hienieralny dyrektar AAT «Biełtranshaz» Uładzimir Majoraŭ paviedamlaŭ, što Biełaruś i Rasija płanujuć padpisać dadatkovaje pahadnieńnie da bazavaha kantraktu na pastaŭku hazu ŭ 2011 hodzie.

• 0
• 0
• 0
• 0
• 0
• 0
• 0
• 0