Redakcyja dziaržaŭnaj hazety «Znamia junosti» namahajecca, kab u adnosinach da byłoha karespandenta hazety ŭ Bieraści Alesia Laŭčuka była zaviedziena kryminalnaja sprava.
Žurnalist daviedaŭsia pra heta padčas dopytu ŭ milicyi 15 studzienia. Śledčyja pakazali jamu dakumenty, zhodna ź jakimi redakcyja vydańnia ličyć, što były karespandent pavinien adkazvać pierad hazetaj «Znamia junosti» pavodle art. 188.2 Kryminalnaha kodeksu za paklop.
«Redakcyja ličyć, što ja nanios škodu dziełavoj reputacyi vydańnia. Na sajtach Radyjo Svaboda i na ŭłasnym błohu ja paviedamiŭ pra svajo zvalnieńnie i varunki pracy ŭ hetaj hazecie. Paśla publikacyi źjaviłasia šmat kamentaroŭ. Niekatoryja navat pisali na elektronnuju skryniu hazety „Znamia junosti“. Redakcyja paličyła, što takim čynam ja abraziŭ dziełavuju reputacyju hazety. Na mianie padali ŭ sud z patrabavańniem, kab ja abvierh svaje raniejšyja słovy, apłaciŭ sudovyja vydatki», — zajaviŭ Laŭčuk Svabodzie.
Pieršaje sudovaje pasiedžańnie pryznačana na 26 studzienia ŭ Maskoŭskim sudzie Bieraścia.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała16
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary