Minčuk raźbiŭ škło ŭ mašynie, jakaja pieraškadžała prajści da padjezda
Adździełam daznańnia papiaredniaha rasśledavańnia Leninskaha RUUS raspačataja kryminalnaja sprava ŭ dačynieńni da19-hadovaha žychara mikrarajona Sierabranka, jaki raźbiŭ škło ŭ niaŭdała pryparkavanym u dvary aŭtamabili.
Dvoje siabroŭ bavili zimovy viečar zvykła — spačatku pili harełku, potym piva. Užo było pajšli dachaty, adnak darohu da padjezda doma pa praśpiekcie Rakasoŭskaha zastupiŭ kimści vielmi niazručna pryparkavany aŭtamabil. Niećviarozy małady čałaviek vyrašyŭ pravučyć niavietlivaha kiroŭcu i raźbiŭ levaje škło nahoj.
Adkryŭšy dźviercy z boku kiroŭcy, junak zalez u sałon aŭtamašyny i ŭžo adtul pačaŭ cahlinaj vybivać astatniaje škło. Tolki ubačyŭšy patrulnuju mašynu, małady čałaviek vyskačyŭ z aŭto i kinuŭsia naŭcioki, ale byŭ zatrymany milicyjantami ŭ susiednim dvary.
U adździele daznańnia papiaredniaha rasśledavańnia Leninskaha RUUS raspačataja kryminalnaja sprava pa art. 339 č.1 Kryminalnaha kodeksa RB («Chulihanstva»), jakoje pieraduhledžvaje pakarańnie ŭ vyhladzie pazbaŭleńnia voli na termin da 3 hadoŭ.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB56
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary