Žychary Astravieččyny patrabujuć dać kvateru sumlennamu sudździu
Vasiamnaccać hramadzianaŭ Astravieckaha rajona pastavili svaje podpisy pad kalektyŭnym zvarotam da ministra justycyi Biełarusi i staršyni Hrodzienskaha abłasnoha sudu. Hramadzianie patrabujuć, kab staršyni Astravieckaha rajonnaha sudu Alaksandru Dziamieščyku miascovyja ŭłady vydzielili ŭrešcie asobnuju kvateru.
U zvarocie havorycca, što Alaksandar Dziamieščyk pracuje staršynioj rajonnaha sudu ŭžo try hady i ŭvieś hety čas dabirajecca na pracu sa Smarhoni na ŭłasnym aŭto.
Hramadzianie ž, u svaju čarhu, zaniepakojenyja tym, što spadar Dziamieščyk vielmi zahružany pracaj i praktyčna nia maje mahčymaści bačyć svaju siamju, a taksama paŭnavartasna adpačyvać paśla pracy.
U zvarocie taksama kanstatujecca, što ŭłasnyja kvatery i navat katedžy majuć u rajonie nie tolki ŭsie čynoŭniki takoha ranhu, ale i ich dzieci i blizkija.
Žychary rajona, jakija pastavili svaje podpisy pad zvarotam, ličać, što staršynia Astravieckaha rajvykankamu A. Kavalko takim čynam imkniecca «trymać sudździu na karotkim pavadku», bo toj vielmi ŭvažliva i abjektyŭna stavicca da razhladu sudovych spraŭ i tym samym baronić pravy zvyčajnych hramadzian ad čynoŭnickich ździekaŭ.
Inicyjataram zvarotu vystupiŭ astraviecki aktyvist, siabra partyi AHP Ivan Kruk. Jon ličyć, što ad ciapierašniaj čynoŭnickaj svavoli varta baranić i samich čynoŭnikaŭ, jakija «praŭdaj i vieraj słužać svajmu narodu».
Kamientary