Mienskaja haradzkaja kalehija advakataŭ nia budzie pravodzić pazačarhovy schod. Pra plany sklikać taki schod paviedamlaŭ 18 lutaha staršynia kalehii Alaksandr Pylčanka.
Jon raspavioŭ, što napiaredadni prezydyjum kalehii advakataŭ abmierkavaŭ rašeńnie Miniustu pra pazbaŭleńnie licenzij advakataŭ — Aleha Ahiejeva, Taćciany Ahiejevaj, Uładzimiera Toŭścika i Tamary Harajevaj, jakija abaraniali fihurantaŭ spravy Płoščy.
Kamentujučy inicyjatyvu Miniustu pra pryniaćcie novych pravił prafesijnaj etyki advakataŭ, Pylčanka vykazaŭ mierkavańnie, što padobnyja praviły «pavinny prymacca vyklučna advakackaj supolnaściu». «Uvieś kirujučy skład Mienskaj haradzkoj kalehii advakataŭ ličyć sytuacyju krytyčnaj, jakaja realna pahražaje niezaležnaści advakatury, jak pravavoha instytutu, i niezaležnaści advakataŭ», — skazaŭ staršynia kalehii. U suviazi z hetym, rastłumačyŭ jon, i pryniata rašeńnie pravieści pazačarhovy ekstrany schod.
U toj ža dzień, 18 lutaha, ministar justycyi Viktar Hałavanaŭ padpisaŭ zahad pra vyklučeńnie Alaksandra Pylčanki sa składu Kvalifikacyjnaj kamisii ŭ pytańniach advakackaj dziejnaści.
Na dumku pravaabaroncy Hary Pahaniajły, u hetaj sytuacyi advakaty najpierš mahli vykazać salidarnaść sa svaimi kalehami, jakich pazbavili licenzij.
«Jany mohuć pradjavić peŭnyja pretenzii Minjustu jak licenzijnamu orhanu, jaki ažyćciaŭlaje ahulnaje kiraŭnictva advakaturaj. Jany mohuć pradjavić pretenzii ŭładam u cełym za razbureńnie niezaležnaści instytuta advakatury. Jany mohuć źviarnucca da mižnarodnaj supolnaści z metaj padtrymki ich baraćby z takimi prajavami ŭ krainie. Jany mohuć mnohaje, kali chočuć i majuć na heta prafesijnuju i hramadzianskuju mužnaść».
Ciapier prezydyjum kalehii pryniaŭ rašeńnie nie pravodzić pazačarhovy schod
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB45
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary