Pad dułam «Kałašnikava» da pomnika Leninu
Andrej Pačobut na svabodzie. Čekisty advieźli žurnalista z Akreścina pad pomnik Leninu, na miesca, dzie zatrymlivali 19 śniežnia.
Pryblizna, a pałovie naŽurnalisty, što dziažuryli kala ŭvachodu, paznali ŭ adnym z pasažyraŭ aŭto Andreja Pačobuta, jakoha musili vyzvalić u 17.40. Žurnalist Ihar Bancar, jaki dziažuryŭ pablizu, taksama paznaŭ kalehu. Aŭto z žurnalistam źjechała ŭ nieviadomym nakirunku.18-ju z varotaŭ Centra prafiłaktyki pravaparušeńniaŭ vyjechała miliceskaje aŭto.
U dziažurnaj čaści žurnalistam adkazali koratka, što Pačobuta adpuścili.
Praz hadzinu Andrej patelefanavaŭ žurnalistam i paviedamiŭ, što kadebisty hadzinu vazili jaho pa horadzie, a potym advieźli na płošču Niezaležnaści i vypuścili kala pomnika Leninu.
Sustrakać Andreja Pačobuta pryjechali kalehi, siabry SPB na čale sa staršynioj Anžalikaj Arechvaj, a taksama Aleś Michalevič.
***
Žurnalisty «Našaj Nivy» adnymi ź pieršych parazmaŭlali z apošnim palityčnym viaźniem Akreścina hetaj vybarčaj kampanii.
«NN»: Andrej, jak siabie adčuvaješ?
Andrej Pačobut: Dziakuj! Narmalna adčuvaju, narmalna.
«NN»: Jak prajšli hetyja dni? Z kim davodziłasia siadzieć u adnoj kamiery?
AP: Šmat z kim davodziłasia. Adnak nikoha z «palityčnych» nie sustrkaŭ. Siadzieŭ ź dziebašyrami, chulihanami, ałkaholikami. Traplalisia ludzi, jakija siadzieli za toje, što krali ježu ŭ kramach. Šmat takich ludziej było. Tak u našaj krainie žyvuć.
«NN»: Ciabie davoli cynična vyvieźli z «Akreścina» pad pomnik Leninu. Čym heta patłumačyli?
AP: A ničym. Vyvieli z kamiery na vulicu i pačali zapichvać u mašynu. Ja sprabavaŭ supraciŭlacca, ale biespaśpiachova. Adzin ź ich navat z «Kałašnikavym» byŭ. Vazili pa horadzie moŭčki, a potym vysadzili na płoščy Niezaležnaści. Kali jany źjechali, ja pasprabavaŭ telefonami skarystacca, ale jany byli zabłakavanyja. Supracoŭniki izalatara admysłova pa try razy nabirali
«NN»: Zrazumieła. Zaraz dadomu?
AP: Tak, viadoma. Zaraz dadomu pajedu, u Horadniu.
Nahadajem, što 11 lutaha hrodzienskaha žurnalista Andreja Pačobuta asudzili za ŭdzieł u niesankcyjanavanaj akcyi 19 śniežnia. U toj dzień jon vykonvaŭ svaje žurnalisckija abaviazki pa zadańni polskaj «Gazety Wyborczaj».
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary