Prysud vyniesła «nieŭjaznaja» sudździa Natalla Pratasavickaja.
11 lutaha hrodzienskaha žurnalista Andreja Pačobuta asudzili za ŭdzieł u niesankcyjanavanaj akcyi 19 śniežnia.
Spravu hrodzienskaha žurnalista razhladała sudździa Kastryčnickaha rajonnaha suda Minska Natalla Pratasavickaja. Jana ŭniesienaja ŭ śpis nieŭjaznych u krainy ES. Jak paviedamiŭ karespandentu «Našaj Nivy» Andrej Pačobut, jon zajaviŭ advod sudździ, bo paličyŭ, što sudździa nie budzie biesstarońniaj u razhladzie jaho spravy. «Ja aktyŭna vystupaju za vizavyja sankcyi, tamu nie ŭpeŭnieny ŭ abjektyŭnaści sudździ, u dačynieńni jakoj hetyja sankcyi zadziejničali», — patłumačyŭ žurnalist. Sudździa adchiliła advod.
Niahledziačy na prysud, Andrej nie hublaje badzioraści duchu.
«Ja byŭ hatovy da takoha pavarotu padziejaŭ. Rasceńvaju heta, jak ekstremalny turyzm, takoje žurnalisckaje zadańnie. Kali padzie raściahvajucca na hady, to možna knihu napisać, a tut sutki — tamu atrymajecca repartaž».Žurnalist miarkuje, što jahonaja sprava ŭ lubym vypadku skončyłasia b mienavita tak. Jon pryhadvaje, što akurat hod tamu aryšt nie dazvoliŭ jamu sustreć žonku z radzilni. I voś praz hod jon iznoŭ budzie adznačać dzień naradžeńnia syna ŭ turmie.
«Sustreniemsia praz 13,5 sutak», — kaža Pačobut na raźvitańnie (1,5 sutak jon pravioŭ paśla aryštu ŭ aŭtazaku i sudzie).
Nahadajem, što Andrej Pačobut byŭ zatrymany na płoščy Niezaležnaści i sutki pravioŭ u aŭtazaku. Jaho sprava razhladałasia ŭ sudzie Kastryčnickaha rajonu. Ale ŭ apošni momant žurnalista vyzvalili, zajaviŭšy, što pa jaho sprava nakiravanaja na dadatkovuju pravierku.
Paźniej sud Kastryčnickaha rajona ŭsio ž pakaraŭ žurnalista štrafam u pamiery 1.750.000 rubloŭ za «ŭdzieł u niesankcyjanavanym mitynhu». Prakuratura paličyła taki prysud zanadta miakkim, Minski haradski sud pahadziŭsia z hetymi pretenzijami i pryznačyŭ pierahlad spravy.
Hladzi jašče: Pačobut publikuje adkaz KDB prakuratury pa svajoj spravie
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary