10 sakavika sud Puchavickaha rajona Minskaj vobłaści praciahnie razhlad hramadzianskaj spravy pa isku byłoj nastaŭnicy historyi vyšejšaj katehoryi Talkaŭskaj siaredniaj škoły Natalli Illinič, jakaja prosić adnavić jaje na pracy.
Jak paviedamiła Illinič, u chodzie pasiadžeńnia 9 sakavika, jakoje doŭžyłasia z 10 da 19 hadzin, sudździa zasłuchała pazicyi bakoŭ i pakazańni vaśmi śviedak, a taksama daśledavała dakumienty, pradstaŭlenyja istcom i adkazčykam. Pavodle jaje słoŭ, u čaćvier paśla vystupleńnia prakurora i sprečak sudździa vyniesie rašeńnie. «Uvieś chod razhladu spravy śviedčyć na maju karyść.
Spadziajusia, sud adnović mianie na pracy», — skazała Illinič.
Jana była zvolniena 27 studzienia dyrektaram škoły Natallaj Mierkul. Nastaŭnica ličyć, što zvalnieńnie źviazana ź jaje aktyŭnaj hramadzianskaj pazicyjaj. Illinič 26 hadoŭ adpracavała ŭ Talkaŭskaj škole, dzie stvaryła krajaznaŭčy hurtok i sajt talka.info, vydała knihu «Talka i navakolle», daśleduje
Pa svaich pohladach Illinič źjaŭlajecca prychilnicaj idei biełaruskaha nacyjanalnaha adradžeńnia, ale nie ŭvachodzić ni ŭ jakuju palityčnuju partyju. Brała aktyŭny ŭdzieł u šerahu vybarčych kampanij — źbirała podpisy za demakratyčnych kandydataŭ i była naziralnikam.
5 studzienia supracoŭniki KDB i MUS praviali ŭ jaje domie vobysk, zabrali siarod inšaha fłeškartu fotaaparata i sistemny błok kampjutara. Praź niekatory čas nastaŭnicu zvolnili z pracy, niahledziačy na chadajnictvy staršyni školnaj prafsajuznaj arhanizacyi, baćkoŭ vučniaŭ i vypusknikoŭ.
Biezvynikovymi byli zvaroty Illinič da načalnika adździeła adukacyi Puchavickaha rajvykankama Taćciany Čarnyšovaj i ministra adukacyi Siarhieja Maskieviča z prośbaj akazać sadziejańnie ŭ adnaŭleńni na pracy. U suviazi z hetym 10 lutaha Illinič padała zajavu ŭ sud. 1 sakavika sudździa Śviatłana Akulič praviała papiaredniaje słuchańnie hramadzianskaj spravy.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary