KDB dakazvaje, što jon nie viarblud
Abviarhaje, što kanfiskoŭvaŭ hrošy ŭ Navumavaj, što nie puskaŭ Dźmitryjeva na pachavańnie.
KDB Biełarusi zajaviŭ, što infarmacyja, jakaja raspaŭsiudžvajecca paśla śmierci palitołaha z kampanii «Havary praŭdu!» Śviatłany Navumavaj, nosić «paklopnicki i pravakacyjny charaktar».
Kanfiskacyja hrašovych srodkaŭ u jejnaj kvatery pry praviadzieńni pieratrusu śledčaj hrupaj KDB nie ździajśniałasia, piša Centr infarmacyi i hramadskich suviaziaŭ HB na sajcie arhanizacyi. I ŭ paćviardžeńnie publikuje zakonna paćviardžaje adpaviedny pratakoł ad 4 studzienia 2011 hoda.
Praŭda, KDB zamoŭčvaje toj fakt, što hrošy, jakija Navumava źbirała na pierasadku nyrki, byli skanfiskavanyja šče ŭ mai, u časie pieršych pieratrusaŭ. Farmalna ich vyniała milicyja, a nie KDB. Ale źniavažliva dla reputacyi kamiteta było b dumać, što tyja pieratrusy adbylisia biez nakiravańnia dziaržbiaśpieki.
Dalej KDB piša: «Nie adpaviadaje rečaisnaści i infarmacyja ab tym, što nibyta Śviatłana Navumava vymušanaja była prybyvać na dopyty ŭ KDB, niahledziačy na svoj chvaravity stan. Uličvajučy asablivaści jejnaha zdaroŭja, śledčyja dziejańni pravodzilisia va ŭstanovach achovy zdaroŭja z dazvołu lekaraŭ. Apošnija pakazańni S. Navumava padała śledstvu 18 lutaha 2011 h. pa miescy žycharstva ŭ prysutnaści svajakoŭ».
Biespadstaŭnymi nazyvajuć u KDB i vykazvańni ŭ ŚMI ab tym, što z boku Kamiteta była arhanizavanaja pieraškoda prysutnaści na cyrymonii raźvitańnia z pamierłaj kiraŭnikoŭ hramadzianskaj kampanii «Havary praŭdu!».
Śledčyja dziejańni ŭ adnosinach da Andreja Dźmitryjeva, namiečanyja na 13.00 12 sakavika 2011 hoda, z ulikam jahonaj prośby ab udziele ŭ žałobnaj cyrymonii, byli pieraniesienyja na 9.00. Ale z pryčyny nieprybyćcia adnaho z advakataŭ ŭ hety dzień śledčyja dziejańni nie ažyćciaŭlalisia.
Aficyjnaha chadajnictva ŭ KDB ad Uładzimira Niaklajeva, jaki znachodzicca ŭ dadzieny momant pad chatnim aryštam, ab źmienie jamu miery strymańnia ŭ suviazi z pachavalnymi mierapryjemstvami Śviatłany Navumavaj nie pastupała.
«Infarmacyja, jakaja pastupaje ŭ KDB pra zakazčykaŭ i vykanaŭcaŭ raspaŭsiudžvańnia paklopnickich vydumak, abaviazvaje CIHS paŭtorna rastłumačyć niepaźbiežnaść pravavoj acenki i adkaznaści za padobnyja pravaparušeńni», hrozna papiaredžvaje dziaržbiaśpieka.
My nie zdoleli pakul źviazacca z Volhaj Niaklajevaj i vyśvietlić, ci adpaviadaje rečaisnaści śćviardžeńnie kamiteckich adkaznych za suviazi sa ŚMI adnosna Niaklajeva.
Źviartaje ŭvahu, što KDB stała aktyŭniej dziejničać na infarmacyjnym poli, pryčym kanviencyjnymi mietadami.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1414
Kamientary