Siońnia adbyłosia papiaredniaje sudovaje pasiadžeńnie Haspadarčaha suda Mienska pa spravie ab skasavańni damovy arendy z MHA «Zhurtavańnie biełarusaŭ śvietu «Baćkaŭščyna»
Siońnia adbyłosia papiaredniaje sudovaje pasiadžeńnie Haspadarčaha suda Mienska pa spravie ab skasavańni damovy arendy z MHA «Zhurtavańnie biełarusaŭ śvietu «Baćkaŭščyna». Jano było pracedurnym: sudździa Mielnikava, jakaja razhladaje spravu, aznajomiłasia z pretenzijami abodvuch bakoŭ i pryznačyła datu nastupnaha pasiadžeńnia. Jano pačniecca 12 śniežnia ŭ 10.30 pa adrasie vuł. Śviardłova, 3.
Pamiaškańnie ŭ Miensku na vulicy Revalucyjnaj, 15 MHA «Zhurtavańnie biełarusaŭ śvietu» «Baćkaŭščyna» arendavała ad 1993 h. Tahačasnyja staličnyja ŭłady dazvolili arhanizacyi arendavać pamiaškańnie na termin da 2018 h. Adpaviednaje rašeńnie pryniaŭ urad. U 2002 hodzie budynak na Revalucyjnaj, 15 byŭ pieradadzieny na balans ŭnitarnaha pradpryjemstva «Mienskaja spadčyna», jakoje zajmajecca rekanstrukcyjaj Vierchniaha horadu. Novy ŭłaśnik budynku praciahnuŭ arendu z «Baćkaŭščynaj» na raniejšy termin. U 2005 h. «Mienskaja spadčyna» zajaviła nieabchodnaść rekanstrukcyi budynku. Arhanizacyjam, što arendavali pamiaškańni budynku, u tym liku i «Zhurtavańniu biełarusaŭ śvietu «Baćkaŭščyna», prapanavali vyzvalić jaho na čas rekanstrukcyi. Pry hetym arhanizacyja nie atrymała ŭzamien inšaje pamiaškańnie.
«Baćkaŭščyna» źjechała z ofisu na Revalucyjnaj 7 žniŭnia 2006 h. U časie pieradačy pamiaškańnia pradstaŭniki «Mienskaj spadčyny» zapatrabavali padpisać dakument pra skasavańnie arendnaj damovy. Adnak randatary admovilisia heta zrabić na toj padstavie, što nivodzin z dakumentaŭ ab arendzie nia straciŭ jurydyčnaj siły. KUP «Mienskaja spadčyna» vyrašyła damahacca svajho praz sud.
Ad žniŭnia «Baćkaŭščyna» samastojna sprabavała znajści pamiaškańnie. Dziela hetaha było ahledžana kala 80 ofisaŭ, adnak biezvynikova – ŭsie varyjanty byli nieprymalnyja.
-
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było
-
20‑hadovaha minčuka zatrymali pierad tym, jak jon paśpieŭ pradać pieršuju dozu narkotyku 16‑hadovaj dziaŭčynie
-
U Mahilovie staŭ pracavać adkryty skaładrom. Jon samy vysoki ŭ Biełarusi
Ciapier čytajuć
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary