Krynica ŭ Kramli: Zakryćcio rasijskich telekanałaŭ paŭpłyvaje na vydaču kredytu
Namier biełaruskaha kiraŭnictva abmiežavać dziejnaść u hetaj respublicy rasiejskich srodkaŭ masavaj infarmacyi paŭpłyvaje na rašeńnie Rasii ab pradastaŭleńni kredytu Biełarusi.
«Realizacyja hetaha namieru, - padkreśliła ŭ intervju vysokapastaŭlenaja krynica ŭ Kramli, - nie moža nie adbicca na pierahladzie Rasijaj svajoj pazicyi pa pytańni vydzialeńnia Biełarusi kredytu».
Prezident Biełarusi Alaksandr Łukašenka ŭ piatnicu zajaviŭ ab mahčymaści spynieńnia pracy ŭ Biełarusi šerahu zamiežnych ŚMI, u tym liku rasijskich, abvinavaciŭšy ich u nahniatańni situacyi na valutnym i spažyvieckim rynkach.
«Bolš za ŭsio isteryi ŭ rasijskich srodkach masavaj infarmacyi. Ja naziraŭ i za «našymi» zamiežnymi ŚMI, jakija tut dziakujučy administracyi prezidenta stali panujučymi, i za zamiežnymi. Ja nie budu ich nazyvać, kab nie stvarać im rejtynh. Ale zrabicie ŭsio, kab bolš hetyja ŚMI nie prysutničali na našaj terytoryi. I nie tamu, što my chočam zakryć im rot, ja bačyŭ, što ŭvieś ažyjataž naziraŭsia adtul (ź ŚMI. - IF) », - zajaviŭ Łukašenka na naradzie ab situacyi na valutnym i spažyvieckim rynku.
19 maja Biełaruś uzhadniła z Rasiejaj kredyt na $ 3-3,5 młrd z antykryzisnaha fondu JeŭrAzES, jaki nieabchodny respublicy dla stabilizacyi situacyi na valutnym rynku, dzie nazirajecca rezki deficyt zamiežnaj valuty.
Ciapier čytajuć
Biełaruska znajšła italjanskuju siamju, jakaja pryniała jaje paśla Čarnobyla. Jana dumała, što italjancy jaje kinuli1
Kamientary