U ekanamičnych prablemach Biełarusi vinavaty vyklučna Alaksandr Łukašenka,
piša InoPressa.ru, cytujučy francuzskuju hazietu Le Monde. Hazieta pierakonvaje čytačoŭ u tym, što MVF, da jakoha Biełaruś źviarnułasia z prośbaj ab dapamozie, musić admović Łukašenku: «Jahonyja apošnija biezrazvažnyja dziejańni ŭ valutnaj i biudžetnaj śfierach vyklikali najciažejšy kryzis nacyjanalnaj valuty, a devalvacyja biełaruskaha rubla na 56% nie vyratavała ekanomiku ad paraliču. Nieminučy abvał moža pastavić pad pahrozu minski režym».
«Dziela čaho MVF dapamahać Biełarusi?» — zadaje rytaryčnaje pytańnie hazieta. Jaje małaja ekanomika nie ŭpłyvaje na vonkavy śviet, niebiaśpieka zaražeńnia vielmi słabaja. Dapamoha MVF usłuhuje tolki padtrymańniu režymu i jahonaj sastarełaj ekanamičnaj madeli, havorycca ŭ artykule. Dla admovy ŭ dapamozie całkam dastatkova adnych ekanamičnych pryčynaŭ, nie havoračy ŭžo i pra ŭroki minułaha, piša vydańnie, nahadvajučy, što ŭ 2008 hodzie Biełaruś užo źviartałasia da MVF pa dapamohu, abiacajučy naŭzamien pravieści hłybokija reformy.
Ale jak tolki kryzis minuŭ, Łukašenka ŭziaŭsia za staroje. Mała nadziei, što hetym razam situacyja budzie inakšaj, — padčas adnoj z svaich tradycyjnych atak na rynkavuju ekanomiku Łukašenka ŭvioŭ usieahulny kantrol nad cenami dla baraćby z hałapujučaj inflacyjaj, i pryhraziŭ zvolnić ministraŭ, jakija dapuskajuć rost cenaŭ.
Minsk taksama pajšoŭ suprać Rasii, važnaha patencyjnaha kredytora, pastaviŭšy pad sumnieŭ płan pryvatyzacyi i pryhraziŭšy vysłać rasijskich žurnalistaŭ. Takija pavodziny, miakka kažučy, niepradkazalnyja, i
MVF pavinien zaniać žorstkuju pazicyju, a nie čakać «sapraŭdnych reformaŭ», pakul Łukašenka zastajecca la ŭłady,pavodzić vyniki Le Monde.
-
«Ździełka zhareła». Aŭtar knihi «Aŭtarytaryzm pad pahrozaj» pieraličyŭ padstavy dla aptymizmu nakont budučyni Biełarusi
-
«Pra niešta my nie havorym, pamoŭčvajem». Łukašenka ź ciažkaściu havaryŭ, ale nastrojvaŭ hienierałaŭ na baraćbu za mir da apošniaj kropli kryvi
-
Biełaruski internet pad botami: jak ich raspaznavać i što ź imi robiać
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary