Dziaŭčyna Zacharava: Za rulom biełaha «Bentli» była ja, a ŭ Michaiła «Bentli» — čorny
Pavodle jaje słoŭ, Michaił Zacharaŭ pryjechaŭ na miesca DTZ paźniej.
«Za rulom aŭtamabila była ja», — zajaviła «Salidarnaści» surazmoŭca, jakaja pradstaviłasia Marynaj, dziaŭčynaj chakiejnaha treniera. Pavodle jaje słoŭ, Michaił Zacharaŭ pryjechaŭ na miesca DTZ ŭžo paśla sutyknieńnia «Bentli» z «Leksusam». Źviestki DAI ź jaje pakazańniami razychodziacca.
Nahadajem, kala 5.30 ranicy 12 červienia na skryžavańni praśpiekta Pieramožcaŭ i vulicy Mielnikajte ŭ Miensku adbyłosia sutyknieńnie «Bentli» i «Leksusa». Na šmatlikich
«Salidarnaść» datelefanavałasia na mabilny chakiejnaha śpiecyjalista. Trubku padniała žančyna, jakaja paviedamiła, što Michaił Zacharaŭ zaniaty na treniroŭcy.
— Za rulom aŭtamabila była ja, — skazała dziaŭčyna, jakaja pradstaviłasia Marynaj. — Michaiłu Michajłaviču naležyć čorny «Bentli», a hetaja mašyna naležyć mnie.
Pa słovach surazmoŭnicy, Zacharava ŭ momant DTZ ź joj nie było — jon padjechaŭ «krychu paźniej». Na jaje dumku, mienavita jaho prysutnaść na miescy avaryi stała pryčynaj razmovaŭ ab tym, što za rulom byŭ jon.
— Chto vinavaty ŭ DTZ? Ja, — zajaviła surazmoŭnica «Salidarnaści». — Ja nie spraviłasia z kiravańniem. Jakija nastupstvy dla mianie budzie mieć hetaja avaryja, ja pakul nie viedaju.
Miž tym, dadzienyja DAI z pakazańniami dziaŭčyny razychodziacca.
— Za rulom «Bentli» znachodziŭsia mužčyna 1962 hoda naradžeńnia. Proźviščy udzielnikaŭ DTZ my tradycyjna nie vydajem, — raspaviała interfax.by staršy inśpiektar pa ahitacyi i prapahandzie DAI Centralnaha rajona Minska Anastasija Cybina.
Adznačym, što Michaił Zacharaŭ taksama naradziŭsia ŭ 1962 hodzie.
Astatniaja aficyjnaja infarmacyja skupaja. Napiaredadni ahienctva «BIEŁTA» paviedamiła, što dziažurny UDAI Mienska nie maje źviestak ab padrabiaznaściach avaryi, uklučajučy toje, chto znachodziŭsia za rulom aŭtamabilaŭ. U paniadziełak u DAI Centralnaha rajona paviedamili, što abstaviny DTZ vyśviatlajucca.
Ciapier čytajuć
Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy11
Kamientary