Hrodzienski ŭniviersitet raskazaŭ pra siabie z dapamohaj QR-koda

Raskazać pra VNU z dapamohaj sučasnych technałohij vyrašyli va ŭniviersitecie imia Janki Kupały ŭ Hrodnie. Korpus na Ažeški, 22 staŭ pieršym budynkam Hrodna, na fasadzie jakoha źjaviŭsia QR-kod.

Z vyhladu heta čorna-biełaja vyjava z chaatyčna raźmieščanymi maleńkimi kvadracikami, a nasamreč — śpiecyjalny kod, u jakim zašyfravanaja infarmacyja.

Paznaka zroblenaja sa zvyčajnaj drobnaj plitki, jaje možna ŭbačyć źleva ad centralnaha ŭvachodu ŭ hałoŭny korpus pa vulicy Ažeški. Raźmieščanaja jana ŭ radyusie dziejańnia wi-fi. Dastatkova tolki źniać hety kod na kamieru mabilnaha telefona, skarystaŭšysia śpiecyjalnaj prahramaj-raspaznavalnikam.

Prajekt byŭ realizavany studentam treciaha kursa fakulteta matematyki i infarmatyki Jaŭhienam Nieŭhieniem. Mienavita jon napisaŭ mabilnuju viersiju sajta i prydumaŭ, jak pieratvaryć matryčny kod u abjekt stryt-artu. Kiraŭnik prajekta — načalnik Centra ŭniviersiteckaha menedžmenta, kandydat fiłasofskich navuk Alena Razava.

Daviedka

QR-kod — heta abrevijatura ad Quick Response, što pierakładajecca jak «chutki vodhuk». Asnoŭnaja jaho vartaść — heta lohkaje raspaznańnie skanavalnym abstalavańniem, u tym liku i fotakamieraj mabilnaha telefona. Pa sutnaści, QR-kod — heta toje ž samaje, što i štrych-kod, ale zakadavać u im možna značna bolš infarmacyi. Heta moža być jak tekst, tak i spasyłka na peŭny sajt. Zrabić heta možna z dapamohaj śpiecyjalnaj prahramy-hienieratara. Dla raspaznavańnia koda taksama nieabchodnaja śpiecyjalnaja prahrama, jakaja ŭstaloŭvajecca na mabilny telefon z kamieraj. Mnohija sučasnyja smartfony vypuskajucca z ubudavanaj padtrymkaj raspaznańnia QR-koda.

Dzie možna vykarystoŭvać QR-kod?

U Japonii takija kody nanosiacca praktyčna na ŭsie tavary, jakija pradajucca ŭ kramie, raźmiaščajucca na rekłamnych bukletach i daviednikach. Z dapamohaj QR-koda navat arhanizoŭvajuć roznyja konkursy i rolevyja hulni.

U Japonii taksama QR-kody vykarystoŭvajucca na mohiłkach i ŭtrymlivajuć infarmacyju pra pamierłych.

U Lvovie abjadnańnie biznesoŭcaŭ «Turystyčny ruch Lvova» raźmiaściła QR-kody bolš čym na 80 turystyčnych abjektach. Heta dazvalaje turystu lohka aryjentavacca ŭ horadzie, navat nie viedajučy ŭkrainskaj movy, bo QR-kody ŭtrymlivajuć kala 180 simvałaŭ infarmacyi na niekalkich movach. Jany naniesienyja na pomniki architektury, cerkvy, muziei, raźmieščanyja ŭ aeraporcie, na vakzałach, tramvajnych prypynkach, kaviarniach i h.d.

Padobnaje pryznačeńnie ŭ prajekta Semapedia. Jaho aŭtary prapanujuć prymacoŭvać QR-kody sa spasyłkami na adpaviednyja artykuły ŭ Vikipiedyi.

• 0
• 0
• 0
• 0
• 0
• 0
• 0
• 0