Microsoft vyvučaje popyt na biełaruskamoŭny interfejs Windows Vista
«Ja ŭpeŭnieny, što biełaruskamoŭnaja versija novaj aperacyjnaj systemy budzie nieŭzabavie stvoranaja» – paviedamiŭ na pres‑kanferencyi Valer Łanavienka, hieneralny dyrektar Microsoft u Biełarusi i Ŭkrainie.
Stvareńnie biełaruskamoŭnaj versii Windows Vista i 2007 Microsoft Offise System całkam mahčymaje technična, paviedamiŭ Valer Łanavienka. Pavodle jahonych słovaŭ, u Biełarusi dla hetaha dastatkova kvalifikavanych specyjalistaŭ.
Pytańnie zaklučajecca ŭ popycie na takuju versiju, i taki popyt vyvučajecca. Dyrektar Microsoft u Biełarusi i Ŭkrainie paviedamiŭ taksama, što biełaruskaja Akademija navuk vykazvajecca za stvareńnie biełaruskamoŭnaj versii. «Naša zadača palahaje ŭ tym, kab dać biełaruskim karystalnikam vybar, i ja ŭpeŭnieny, što biełaruskamoŭnaja versija novaj aperacyjnaj systemy budzie nieŭzabavie stvoranaja», – zaznačyŭ sp. Łanavienka.
A pakul u najbližejšy čas na biełaruskim rynku źjavicca rasiejskaja versija novaj pradukcyi Microsoft. Planujecca, što ŭ masavy prodaž novaja aperacyjnaja systema pastupić ź 1 sakavika. Dla karparatyŭnych klijentaŭ jana dastupnaja ź listapadu minułaha hodu. V. Łanavienka nie paćvierdziŭ infarmacyju pra zatrymku pradukcyi Microsoft na biełaruskaj mytni, adnak potym patłumačyŭ zatrymku šyrokaha prodažu adroźnieńniami ŭ chutkaści mytnaha afarmleńnia.
Pradstaŭniki Microsoft u Biełarusi i Ŭkrainie vysoka aceńvajuć patencyjał biełaruskaha rynku. Rost prybytkaŭ ad prodažu pradukcyi kampanii ŭ Biełarusi za apošni hod pieraŭzyšli bolš čym na 50% pazaminuły pakazčyk. Biełaruski rynak u siarednim pieraŭzychodzić pa roście prodažaŭ inšyja nacyjanalnyja rynki ŭschodnieeŭrapejskaha rehijonu.
Novaja aperacyjnaja systema prajšła biesprecedentnaje pa kolkaści ŭdzielnikaŭ testavańnie: bolš za 5 miljonaŭ karystalnikaŭ z usiaho śvietu, u tym liku 80 tysiačaŭ biełarusaŭ i ŭkraincaŭ, karystalisia beta‑versijaj, dasyłali svaje vodhuki i rekamendacyi.
Fota Julii Daraškievič
-
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było
-
20‑hadovaha minčuka zatrymali pierad tym, jak jon paśpieŭ pradać pieršuju dozu narkotyku 16‑hadovaj dziaŭčynie
-
U Mahilovie staŭ pracavać adkryty skaładrom. Jon samy vysoki ŭ Biełarusi
Ciapier čytajuć
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary