9 studzienia adbyłasia pracoŭnaja sustreča Alaksandra Łukašenki sa staršynioj Minharvykankama Mikałajem Ładućkam.
Pavodle słoŭ Mikałaja Ładućki, u Minsku ŭ minułym hodzie pabudavany 1 młn.kv.m žylla. Takuju ž kolkaść płanujecca ŭźvieści ŭ stalicy ŭ 2012 hodzie.
Łukašenku dałožana ab pierśpiektyvach raźvićcia i realizacyi inviestycyjnych prajektaŭ u Minsku.
Alaksandr Łukašenka akcentavaŭ uvahu na tym, što stalica Biełarusi pavinna mieć vysokuju inviestycyjnuju pryvabnaść, i dla hetaha na dziaržaŭnym uzroŭni stvorany ŭsie nieabchodnyja ŭmovy. Ciapier usio zaležyć ad dziejnaści miascovaj ułady.
Jon adznačyŭ niejkuju dynamiku ŭ realizacyi šerahu inviestycyjnych prajektaŭ pa zabudovie Minska.
Alaksandr Łukašenka zapatrabavaŭ paskoryć ažyćciaŭleńnie inviestprajektaŭ u žyłym kompleksie «Uschodni majak Minska», dziełavym centry«Minsk-Sici» , na praśpiekcie Pieramožcaŭ, u rajonie Minskaj kalcavoj aŭtamabilnaj darohi.
Ładućka adznačyŭ, što ŭ adpaviednaści z daručeńniami Łukašenki jość kankretny płan raźvićcia stalicy, i haradskija ŭłady hatovy da supracoŭnictva pa jaho realizacyi ŭ pieršuju čarhu z ajčynnym biźniesam, a takama z zamiežnymi kampanijami.
Pačynajučy z čaćviortaha kvartała minułaha hoda nazirajecca pavieličeńnie inviestycyjnaj aktyŭnaści z boku zamiežnych pradpryjemstvaŭ, kampanij, pryvatnych inviestaraŭ. Naprykład, za try apošnija miesiacy minułaha hoda zaklučana bolš jak 10 inviestycyjnych dahavoraŭ, jakija pačnuć praktyčna realizoŭvacca ŭ Minsku ŭ pieršym paŭhodździ 2012 hoda.
Asablivuju ŭvahu Łukašenka źviarnuŭ na jakaść raboty budaŭničaha kompleksu stalicy. Pakul heta śfiera istotna adstaje pa ŭzroŭniu pradukcyjnaści pracy ŭ paraŭnańni z zachodniejeŭrapiejskimi mierkami. U suviazi z hetym Mikałaj Ładućka paabiacaŭ, što ŭ 2012 hodzie pa hetym pakazčyku budaŭniki vyjduć na bolš vysoki ŭzrovień. Reziervy — u palapšeńni arhanizacyi pracy na budaŭničych placoŭkach, u prymianieńni novych sučasnych technałohij, a taksama pavyšeńni adkaznaści i ŭzmacnieńni pracoŭnaj dyscypliny.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?55
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?5
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2929
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama29
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2828
Kamientary