Suvienirnaja krama futbolnaj fiederacyi budzie kaštavać $1,5 miljona

Sama prahrama była anansavanaja jašče ŭ pačatku hoda, ale padrabiazny kaštarys tady nie byŭ ahučany. Hramadskaja ŭvaha skiravałasia na pastaŭlenyja mety. Nahadajem, što

biełaruskich futbalistaŭ abaviazali prabicca na čempijanat śvietu-2014

Vykanańnie prahramy całkam kaštuje 1,4 tryljona rubloŭ. Kali pieravieści hetuju sumu ŭ bolš tryvałuju valutu, vychodzić $167 miljonaŭ.

Takim čynam, jakaja infrastruktura źjavicca dla raźvićcia futboła ŭ krainie? I — hałoŭnaje —

kolki heta budzie kaštavać?

Pik rekanstrukcyj na Hrodzienščynie

Novych stadyjonaŭ zbudujuć šeść. Jany paŭstanuć u Barysavie, Ivacevičach, Maładziečnie, Minsku i Cichiničach. Hałoŭnaje pytańnie — čamu mienavita Cichiničy? Heta ahraharadok za 20 km ad Rahačova, jaki, praŭda, źjaŭlajecca centram miascovaha kałhasa. U im užo pabudavali haścinicu (praŭda, jakasnaj darohi da Cichiničaŭ dahetul niama), da kanca 2011 hoda musiła zapracavać i futbolnaje pole z štučnym pakryćciom za $200 tysiač. Darečy,

pikantnaści prahramie dadaje toj fakt, što jana, choć i pryniataja 29 śniežnia 2011 hoda, abaviazała zdać šerah abjektaŭ da 31 śniežnia 2011 hoda.

U Minsku ž pabudujuć da 2014 hoda spartyŭna-azdaraŭlalny kompleks «Skvič» za $50 miljonaŭ. Hrošy daduć inviestary. U kompleksie budzie stadyjon na 6 000 čałaviek, futbolny maniež i dva poli z štučnym pakryćciom. Taksama ŭ stalicy za dva bližejšyja hady stvorać techničny centr padrychtoŭki nacyjanalnych zbornych za $5 miljonaŭ. Srodki vydzialaje futbolnaja fiederacyja.

Što da rekanstrukcyi, dyk taki los napatkaje 22 stadyjony pa ŭsioj krainie, pryčym raŭnamiernaści nie bačna zusim. Naprykład,

na Brestčynie adramantujuć tolki adzin stadyjon, a na Hrodzienščynie ažno vosiem —

Futbolnyja maniežy, padobnyja na toj, što jość u Minsku, miarkujecca pabudavać va ŭsich abłaściach, aproč Homielskaj. I znoŭ źviartaje na siabie ŭvahu kaštarys.

Maniež z trybunami na 3500 čałaviek u Mahilovie chočuć pabudavać za $6 miljonaŭ, a zbudavańnie takoha kštałtu ŭ Hrodna, navat ź mienšymi trybunami, abydziecca ŭ $18 miljonaŭ.

Plažnaja Biełaruś

Asablivaja ŭvaha nadadzienaja raźvićciu futbolnych surahataŭ — plažnaha futboła i mini-futboła. Ułady spadziajucca, što biełaruskija zbornyja ŭ hetych nie nadta raspaŭsiudžanych u śviecie vidach sportu zmohuć vyrvacca ŭ lidary.

Zrešty, razraŭniać placoŭku na plažy i pastavić varoty kaštuje nie nadta doraha, ale kolki mienavita — nichto nie viedaje. Bresckija ŭłady acanili takuju pracu ŭ $1200 i płanujuć vykanać jaje ŭ Breście, Ivacevičach, Kobrynie i Pružanach. A voś

Mahiloŭski abłvykankam źbirajecca na abstalavańnie takich samych paloŭ u Mahilovie, Kiraŭsku i Horkach patracić pa $3600!

Uźnikaje ŭražańnie, što prahrama rychtavałasia pochapkam, bo ahulnaha padychodu da jaje składańnia nie było. Naprykład, asobnymi punktami iduć budaŭnictva futbolnych paloŭ i budaŭnictva placovak (i pieršyja, i druhija — z štučnym pakryćciom). U vyniku homielskija i mahiloŭskija ŭłady ŭsie svaje abjekty nazvali «palami», a viciebskija i minskija — «placoŭkami».

Ale za takoj błytaninaj chavajucca i patencyjnyja finansavyja machinacyi. Budaŭnictva dziesiaci placovak u roznych nasielenych punktach, a taksama niekalki placovak u Minsku kaštujuć $350 tysiač. A ŭ punkcie «vynik» prahrama prosić bolš za $1 miljon!

Miljonnyja suvieniry

Astatniaja častka prahramy pryśviečanaja arhanizacyi spabornictvaŭ, kursaŭ pavyšeńnia kvalifikacyi i mierapryjemstvaŭ pa papularyzacyi futboła. Na bolšaść ź ich finansavaja spravazdača nie pradastaŭlajecca. Asablivuju cikavaść vyklikaje stvareńnie płatnaha futbolnaha telekanała. Zadača ŭskładzienaja na Biełaruskuju fiederacyju futboła.

Narešcie, hetaja ž arhanizacyja daść usim biełarusam uroki «aščadžeńnia», kali, jak praduhledžana prahramaj,

vykładzie $1,5 miljona (!) na stvareńnie «kramy suvienirnaj pradukcyi».

• 0
• 0
• 0
• 0
• 0
• 0
• 0
• 0