Ekśpiert: Bašar Asad moža znajści prytułak u Minsku sa zhody Maskvy
Łukašenka da hetaha ŭžo hatovy.
Maskva moža ŭhavaryć Minsk prytulić prezidenta Siryi Bašara Asada, kali jon pakinie pasadu.Takoje mierkavańnie ŭ intervju haziecie «Kommiersant'» vykazaŭ staršy navukovy supracoŭnik Centra mižnarodnaj biaśpieki Instytuta suśvietnaj ekanomiki i mižnarodnych adnosinaŭ Rasijskaj akademii navuk Uładzimir Sotnikaŭ.
U apublikavanym 3 lipienia intervju tureckaj haziecie Cumhuriyet Asad upieršyniu vyrazna zajaviŭ, što hatovy pajści, kali pierakanajecca, što heta pryviadzie da ŭrehulavańnia ŭzbrojenaha kanfliktu z apazicyjaj, adznačaje rasijskaje vydańnie.
Pra toje, što zachodnija krainy, i najpierš ZŠA, robiać aktyŭnyja sproby pierakanać Maskvu zabrać da siabie siryjskaha lidara i dać jamu palityčny prystanak, «Kommiersantu» paviedamiła «infarmavanaja krynica» ŭ rasijskich dypłamatyčnych kołach. Pavodle jaje słoŭ, hety fakt poŭnaściu dezavujuje infarmacyju, jakaja raspaŭsiudžvajecca apošnim časam u zachodnich ŚMI, pra toje, što Rasija vyrašyła dać Bašaru Asadu palityčny prystanak i što jon ŭžo ledź ci nie ŭsie svaje źbieražeńni pieravioŭ u RF. «U nas płanaŭ zabirać Asada nie było i niama»,- skazaŭ surazmoŭca.
«Maskva moža dać Asadu palityčny prystanak, kali zrazumieje, što Zachad nie hatovy dać siryjskamu lidaru i jaho siamji harantyi biaśpieki», — zajaviŭ Uładzimir Sotnikaŭ.
Jon nie vyklučaje, što Maskva «praviadzie pieramovy ź Biełaruśsiu i, kab lišni raz nie razdražniać hramadskaje mierkavańnie na Zachadzie, uhavoryć Minsk prytulić Asada — Łukašenka da hetaha hatovy», - miarkuje palitołah.
U krasaviku 2010 hoda prystanak u Biełarusi pavodle prapanovy Łukašenki atrymaŭ źvierhnuty prezident Kyrhyzstana Kurmanbiek Bakijeŭ. U
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary