U akcyi «plušavyja miadźviedzi dla Biełarusi» brali ŭdzieł čatyry čałavieki
Dvoje byli ŭ samalocie, dvoje strachavali ź ziamli i zapisvali na videa.
Plušavych miadźviedziaŭ nad Biełaruśsiu raskidvali pradstaŭniki šviedskaj
Pradstaŭnik Studio Total Tomas Mazieci raźmiaściŭ na sajcie telekanała SVT svoj zvarot, u jakim paviedamiŭ, što byŭ adnym z tych, chto prydumaŭ, arhanizavaŭ i ažyćciaviŭ palot u Biełaruś.
Jak piša Mazieci, u samalocie byŭ jon sam i jaho kaleha pa Studio Total Channa Lina Frej. Padtrymku akcyi ŭ Litvie i Biełarusi ažyćciaŭlali Linda Karłsan i Pier Kromvieł. Jany rabili fatahrafii ź ziamli i pavinny byli pasprabavać zabrać piłotaŭ, kali b ich pasprabavali źbić.
Pavodle słoŭ Mazieci, jany praviali ŭ pavietry 1 hadzinu 20 chvilin i paśpieli za hety čas «desantavać» prykładna 800 plušavych miadźviedziaŭ nad vioskami i haradami Biełarusi, u tym liku nad Minskam.
Mazieci piša, što jany nie viedali, jak adreahuje na ich pavietranaja abarona Biełarusi, ale aceńvali ryzyku dla svajho žyćcia jak vielmi realnuju:
«Ale ŭličvajučy, što biełaruskaja apazicyja štodnia padviarhaje siabie pahrozie nasilla i represij, my dumali, što takaja ryzyka vartaja taho», — zajaviŭ jon.
Kali Tomas i Channa Lina viečaram viarnulisia dadomu, to daviedalisia, što infarmacyju pra ich akcyju ŭ srodkach masavaj infarmacyi ŭspryniali sa skiepsisam. Ich ździviła, što mnohija haziety zadali pytańnie, ci nie insceniroŭka heta.
Mazieci i jaho siabry nie płanavali ź mierkavańniaŭ biaśpieki tak chutka zdymać maski, raskryvać svaje imiony i razdavać intervju. Meta ich akcyi była nie ŭ žadańni prasłavicca, a źviarnuć uvahu na toje, što «ludzi ŭ Biełarusi padviarhajucca turemnamu źniavoleńniu i katavańniam za krytyku režymu ci patrabavańnie svabody vykazvańnia mierkavańniaŭ».
«My ličyli, što srodki masavaj infarmacyi sami zmohuć pravieryć praŭdzivaść padziei, naprykład, zaprosiać ekśpiertaŭ, ale jany nie zmahli», — piša Mazieci.
Pavodle jaho słoŭ, usia paśladoŭnaść padziej zdymałasia na videakamieru i toje, što ŭžo vykładziena ŭ sietku, — tolki małaja častka hetaha.
U intervju «Radyjo Svaboda» Mazieci paviedamiŭ, što palot u Biełaruś rychtavaŭsia ceły hod i na padrychtoŭku było zraschodavana šmat srodkaŭ. Pavodle jaho słoŭ, usie hrošy, jakija zarablaje pijaram Studio Total, iduć na prajekty, jakija Mazieci i jaho siabry ličać važnymi dla siabie.
Ministerstva abarony Biełarusi abvierhła infarmacyju ab parušeńni pavietranaj prastory krainy zamiežnym samalotam, adnak pradstaŭnik armii Litvy zajaviŭ, što praviły vykarystańnia pavietranaj prastory jaho dziaržavy byli parušany. Praŭda, vajennyja pakul nie źviazvajuć heta z akcyjaj šviedaŭ.
Kamientary