Trahiedyja adbyłasia viečaram 28 lipienia ŭ adnoj sa staličnych dzieviacipaviarchovak. Chłopčyk 2009 naradžeńnia hulaŭ sa svaim starejšym bratam. Jon zalez na padakońnik, abapiorsia ab maskitnuju sietku adkrytaha akna, ale macavańni nie vytrymali, i dzicia vypała z čaćviortaha paviercha.
Baćki ŭ hety čas karmili svajho małodšaha syna ŭ inšym pakoi.
Chłopčyk upaŭ na terytoryju abharodžanaj dziciačaj placoŭki, tamu chutkaja nie mahła da jaho dabracca. Na miesca prybyli vyratavalniki, jany zrezali zamok z bramy hulniavoj placoŭki i tolki tady da paciarpiełaha dabralisia miedyki. Dzicia z traŭmami roznych stupieniaŭ ciažkaści na chutkaj było ekstrana dastaŭlena ŭ balnicu.
Niahledziačy na ŭsie vysiłki lekaraŭ, vyratavać chłopčyka nie ŭdałosia.
Milicyja pravodzić pravierku pa fakcie niaščasnaha vypadku. Sa słoŭ susiedziaŭ, siamja zahinułaha chłopčyka charaktaryzujecca tolki sa stanoŭčaha boku.
Ciapier čytajuć
Biełaruska znajšła italjanskuju siamju, jakaja pryniała jaje paśla Čarnobyla. Jana dumała, što italjancy jaje kinuli1
Kamientary