Sudy nad mastakami ŭ Smarhoni pieranieśli na 10 vieraśnia.
Asudzili tolki Alesia Cyrkunova — jamu vynieśli štraf u 1 miljon rubloŭ.
Jak paviedamiŭ NN Aleś Dzierhačoŭ, Aleś Puškin admoviŭsia iści na sud (jon pravioŭ noč u pastarunku) i patrabavaŭ, kab viarnuli adabranyja ikonu i karcinu Łapickaha -- jahonuju ułasnać.
Milicyja nie znajšła inšaha vyjścia, jak addać hetyja rečy i vydać sudovuju pozvu ab jaŭcy na 10 vieraśnia. I adrazu Alesia vypuścili.
Ź ikonaj na hałavie i karcinaj u rukach, jak i na pierarvanym šeści Aleś Puškin razam z Alesiem Cyrkunovym prajšli pa vulicach Smarhoni da domu Valancina Varaniščy.U tym liku pa vulicy Kaminskaha -- šlachu Łapickaha da vioski Čarniaty, dzie drukavalisia ŭlotki padpolščykaŭ.
La doma Valancina Aleś Puškin zrabiŭ simvaličnuju pieradaču partreta Łapickaha Valancinu Varanišču.
Nahadajem, u niadzielu ŭ Smarhoni ŭšanavali pamiać hieroja antysavieckaha cupracivu Raścisłava Łapickaha (1928 — 1950). Paśla słužby ŭ carkvie, dzie byŭ zamoŭleny malebien u pamiać pra biaźvinna zabitaha Raścisłava, minskija i smarhonskija mastaki nieśli pa vulicy jaho aśviečanyja partrety.
Milicyjanty zatrymali mastakoŭ Valancina Varanišču, Hienadzia Drazdova, Alesia Cyrkunova i Alesia Puškina, a taksama smarhonskaha aktyvista Uładzimira Šulžyckaha. Da ranicy zatrymanyja siadzieli ŭ pastarunku.
Na ŭsich skłali pratakoły ab niesankcyjananym šeści (art. 23.34, č. 1 -- KoAP).
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary