Dalejšy los pamiatki vyrašać kiraŭniki biełaruskaj habrejskaj hramady.
Ukradzienaja ŭ sakaviku bronzavaja miemaryjalnaja doška, pryśviečanaja jaŭrejam Bremiena, źniščanym u Minskim hieta,była pieradadziena 12 krasavika pasłu FRH u Biełarusi Marcinu Chiekieru biełaruskim hramadzianinam. Pra heta BiełaPAN paviedamili ŭ pasolstvie Hiermanii.
Nahadajem, što ab źniknieńni doški z fasada doma № 13 pa vulicy Ramanaŭskaja Słabada ŭ Minsku stała viadoma 9 sakavika. Doška była ŭstanoŭlena ŭ 1992 hodzie pradstaŭnikami jaŭrejskaj abščyny Bremiena ŭ pamiać ab amal 450 bremienskich jaŭrejach, jakija byli departavany ŭ 1942 hodzie z Hiermanii ŭ Biełaruś i źniščany ŭ Minskim hieta. Ab hetaj trahiedyi raspaviadaŭ tekst na ruskaj i niamieckaj movach, źmieščany na došcy.
Pa fakcie źniknieńnia znaka Sajuz biełaruskich jaŭrejskich hramadskich abjadnańniaŭ i abščyn 12 sakavika źviarnuŭsia z zajavaj va UUS Maskoŭskaha rajona, dzie paviedamili, što na praciahu miesiaca ŭčastkovy budzie vyśviatlać abstaviny źniknieńnia doški i jaje prynaležnaść. Pa vynikach razboru budzie vyniesiena rašeńnie ab mahčymaści zaviadzieńnia kryminalnaj spravy.
26 sakavika pasoł FRH abjaviŭ ab uznaharodzie ŭ tysiaču jeŭra za infarmacyju, što budzie sadziejničać viartańniu pamiatnaha znaka.
Pavodle źviestak BiełaPAN, doška była viernuta minčaninam, jaki paprasiŭ nie nazyvać jaho imia. Nieviadoma taksama, ci atrymaŭ jon abiacanuju ŭznaharodu. U pasolstvie Hiermanii admovilisia paviedamlać detali pieradačy miemaryjalnaj doški.
Dalejšy los pamiatnaha znaka budzie vyrašany kiraŭnictvam Savieta biełaruskich jaŭrejskich hramadskich abjadnańniaŭ i abščyn. U jakaści varyjanta razhladajecca prapanova ab ustanoŭcy na fasadzie doma № 13 pa vulicy Ramanaŭskaja Słabada kopii miemaryjalnaj doški, aryhinał jakoj budzie zachoŭvacca ŭ biełaruska-niamieckaj ustanovie "Histaryčnaja majsternia ŭ Minsku" (vulica Suchaja,25).
U intervju BiełaPAN načalnik milicyi hramadskaj biaśpieki Maskoŭskaha RUUS Vasil Lizun paviedamiŭ, što 13 krasavika raspačata sprava pa fakcie źniknieńnia doški. Bolš detalovaja infarmacyja, pavodle jaho słoŭ, budzie pradastaŭlena zajaŭniku ŭ pačatku nastupnaha tydnia.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB42
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary