Nie čapajcie našych błoch!
U svaim štohadovym pasłańni rasiejski prezydent pakazaŭ Zachadu pudziła chałodnaj vajny, a Biełarusi — intehracyjny piernik. Kamentuje ŭ svaim błohu Alaksandar Kłaskoŭski.
U svaim štohadovym pasłańni rasiejski prezydent pakazaŭ Zachadu pudziła chałodnaj vajny, a Biełarusi — intehracyjny piernik. Ale i pudziła, i piernik — butaforskija.
Sa słoŭ Pucina, u pytańni budaŭnictva "sajuznaje dziaržavy" Rasieja hatova iści "nastolki daloka, nakolki hatovy da hetaha našy biełaruskija siabry". Čytaj: z zadavalnieńniem pahłyniem, jak tolki saśpiejecie!
Darečy, niekali Łukašenka vykazvaŭsia z dakładnaściu da naadvarot: maŭlaŭ, Biełaruś hatovaja iści ŭ pytańni intehracyi nastolki daloka, nakolki hatovaje rasiejskaje kiraŭnictva.
Časy źmianilisia, i fraza viarnułasia bumeranham.
Kaniešnie, haspadar Kramla vydatna razumieje, što biełaruski kaleha nia rviecca zdavać klučy ad niezaležnaści. Adnak praklamavanaja teza daje niejkuju maralnuju padstavu i dalej padvyšać ceny na enerhanośbity. Nia chočacie intehravacca pavodle našaha scenaru — raskašelvajciesia! Za niezaležnaść treba płacić!
Zrešty, moža, Miensku pašencić niešta vyhadać na imaviernym rymejku chałodnaje vajny? Siońnia Pucin zajaviŭ, što ličyć metazhodnym abvieścić maratoryj na vykanańnie Rasiejaj Damovy ab zvyčajnych uzbrojenych siłach u Eŭropie.
Byŭ ahučany džentlmenski nabor maskoŭskich "iastrabaŭ", uklučna sa zhadkaju pra niebiaśpieku planavanaha Štatami raźmiaščeńnia ŭ Eŭropie elementaŭ svajoj supraćrakietnaj abarony.
Pamiatajecie: hetuju ž temu apošnim časam niekalki razoŭ pedalavaŭ biełaruski kiraŭnik. Maŭlaŭ, nam z Uładzimieram Uładzimieravičam varta padumać nad asymetryčnym adkazam!
Zrešty, na dumku palitolaha Andreja Fiodarava, u Kramli vydatna razumiejuć, što dziasiatak amerykanskich supraćrakietaŭ nie niasie realnaj pahrozy Rasiei. Adnak čamu b nie skarystacca nahodaj dy nie zakinuć pijaraŭski miač u karzinu amerykancaŭ? Pucin prahavaryŭsia: maŭlaŭ, niama čaho "šukać tolki błoch na postsavieckaj prastory".
Ciažka ŭjavić sabie, kab u padobnaj stylistycy vioŭ dyskusiju z Zachadam pieršy rasiejski prezydent. Moža, nie takoj užo hiperbałaj jość kryłataje vykazvańnie apošnich dzion: najbolšaj pamyłkaj Jelcyna staŭ Pucin.
Razam z tym, rymejk chałodnaje vajny małaimavierny, ličyć Andrej Fiodaraŭ. Viartańnie da sapraŭdnaj kanfrantacyi nasamreč nie patrebnaje nikomu ni ŭ Rasiei, ni na Zachadzie. Tak što i Miensk ad hetaj palityčnaj hulni naŭrad ci šmat vyhadaje ŭ materyjalnym sensie. Adno što prapahandysckija dyvidendy.
Va ŭnison z Kramlom viesialej ćvierdzić, kab nie čapali našych błoch :)
Kamientary