Siońnia ŭ Maskvie i Myciščach pačynajecca 71‑y čempijanat śvietu pa chakiei. U vośmy raz u elitnym dyvizijonie zhulaje i zbornaja Biełarusi.
Siońnia ŭ Maskvie i Myciščach pačynajecca 71‑y čempijanat śvietu pa chakiei. U vośmy raz u elitnym dyvizijonie zhulaje i zbornaja Biełarusi. Pakul najlepšym dasiahnieńniem našaj kamandy było šostaje miesca na letašnim mundyjale ŭ łatyskaj stalicy. Tady ŭ Ryzie biełarusy pieramahli mocnyja kamandy Słavaččyny i Švajcaryi, što i dazvoliła im vyjści ŭ čverćfinał. Prajści pieršy raŭnd płej‑of nie atrymałasia, darohu biełarusam pieraharadzili finy.
Na minułym čempijanacie našaj kamandaj kiravaŭ kanadziec Hlen Chenłan, dobryja vyniki zbornaj u vialikaj stupieni jahonaja zasłuha. Letaś najbolšaja biełaruskaja spartovaja hazeta «Priessboł» pryznała jaho čałaviekam hodu. Zamiest Chenłana ŭ kamandu pryjšoŭ amerykaniec Kurt Frejzer, jaki taksama maje dośvied pracy treneram u kamandach NCHŁ. Frejzer maje mienšuju charyzmu, čym Chenłan, jon mienš emacyjny, ale havaryć pra toje, što jon horšy specyjalist ci kreatyŭščyk, nie vypadaje. Čaho tolki vartyja jahonyja idei nakont vyvazu nacyjanalnaj kamandy ŭ cyrk ci na hulniu ŭ pejntboł.
Absalutna va ŭsich tavaryskich hulniach pierad čempijanatam śvietu biełarusy pieramahli, ale bolšaść kamand, što nam supraćstajali, byli vidavočna słabiejšymi. Tolki matč sa Słavaččynaj zaśviedčyŭ, što słovy Frejzera nakont taho, što biełarusy jeduć u Rasieju za medalami, nie pusty huk. U roŭnaj hulni ŭdača ŭśmichnułasia biełarusam — 2:1.
Pośpiech biełarusaŭ u mnohim budzić zaležać ad taho, nakolki natchniona zhulaje naš bramnik Andrej Miezin. Jon — heta pałova kamandy, i vielmi dziŭna, što na Miezina pakul nie źviarnuli ŭvahi NCHŁaŭskija kamandy. Letaś ŭ Ryzie Miezin byŭ pryznany najlepšym bramnikam čempijanatu. Važna taksama paźbiehnuć traŭmaŭ, niekalki hulcoŭ i kapitan praz heta ŭžo vypali z abojmy kamandy.
Pad pytańniem pryjezd zaakijanskich zorak — Hraboŭskaha i Kaścicyna. Jany pakul hulajuć u płej‑of ACHŁ. Frejzer nia zmoh damovicca ź liderami zbornaj Salejem i Kalužnym, ale biaź ich my abychodzimsia ŭžo treci hod i nieviadoma kolki jašče budziem abychodzicca. U takich umovach rolu lidera musiać uziać učorašnija druhija numary —Uharaŭ, Mialeška, Zadzialonaŭ, Dzianisaŭ, Kukuškin. Dla ich heta budzie dobry ekzamen.
Što b nie kazali, ale abjektyŭna chakiej u Biełarusi stanovicca sapraŭdy hulnioj numar 1. Tamu pazaŭziejem za našych chłopcaŭ!
Raskład hulniaŭ zbornaj Biełarusi (čas biełaruski), usie hulni projduć u Myciščach:
27 krasavika: Biełaruś — Čechija (19:15)
29 krasavika: Biełaruś — ZŠA (19:15)
1 traŭnia: Biełaruś — Aŭstryja (15:15)
Dla tych, chto nia trapić na rasiejskija chakiejnyja areny buduć tranślacyi na telekanałach «Ład» i BT.
Źmicier Pankaviec
Kamientary