Šturchanina j zatrymańni ŭ Horadni: historyki sprabavali spynić buldozer u achoŭnaj zonie
Adna z abaroncaŭ histaryčnaj Horadni Volha Čajčyc raspaviała pra učorašni incydent u Horadni. Pavodle słovaŭ V.Čajčyc, la synahohi niby sprabujuć umacavać bierah, kab paźbiehčy spaŭzańnia jaho ŭ Haradničanku.
Ale robiać heta zusim nia tak, jak patrebna. «Paśla pieršaha ž daždžu ŭsio papaŭzie ŭniz» — miarkuje Volha. Milicyjantaŭ vyklikali sami historyki, kali pabačyli, što pobač z synahohaj buldozer. «Heta achoŭnaja zona pieršaj katehoryi, tamu vieści takija pracy biez papiaredniaj archiealahičnaj ekspertyzy zabaroniena zakonam» — kaža siabroŭka «Etny».
Milicyja doŭhi čas nie źjaŭlałasia, zatoje potym pryjechała cełaja delehacyja: razam z meram horadu Alaksandram Antonienkam źjavilisia milicyjanty, pradstaŭnik administracyi Leninskaha rajonu Horadni i nieviadomy ŭ cyvilnym, u jakim prysutnyja paznali supracoŭnika abłasnoha KDB.
Milicyjanty admovilisia składać pratakoł ab parušeńni zakanadaŭstva ab achovie histaryčnaj spadčyny, spasłaŭšysia na toje, što nia viedajuć jaho. Pry hetym prysutnym patłumačyli, što ŭsie pracy pobač z synahohaj viaducca na zahad mera.
Krajaznaviec Valer Rusielik pacikaviŭsia, kamu ŭ takim razie padparadkoŭvajucca pradstaŭniki pravaachoŭnych orhanaŭ — zakonu ci miascovaj uładzie. U adkaz pačuŭ prapanovu adyści u bok i parazmaŭlać «pa‑mužski». Kali buldozer pradoŭžyŭ pracu, moładź pasprabavała jamu ŭ hetym pieraškodzić. Pačalisia zatrymańni. Archieolaha Juliju Jurkaviec, jakaja znachodzicca na apošnich miesiacach ciažarnaści, milicyjanty niekalki razoŭ hruba šturchanuli. Volzie Čajčyc vykrucili ruku.
Vykručvajuć ruku Volzie Čajčyc
Chapajuć Valera Rusielika
Kamientary