Zbornaja Biełarusi kančatkova raźvitałasia z šancami trapić u čverćfinał čempijanatu śvietu pa chakiei.
Zbornaja Biełarusi kančatkova raźvitałasia z šancami trapić u čverćfinał čempijanatu śvietu pa chakiei.
6 traŭnia biełarusy (trener – Kurt Frejzzr) prajhrali svoj samy važny matč na turniry. Sastupili ŭ dramatyčnym pajadynku zbornaj Słavakii ź likam 3:4 (1:1, 2:2, 0:1). Vyrašalnuju šajbu braty-słavianie zakinuli za 45 sekundaŭ da skančeńnia treciaha peryjadu. Biełarusam, kab trapić u čverćfinał, treba było abaviazkova pieramahać, pryčym u asnoŭny čas.
Siońnia zbornaja Kanady ŭ overtajmie pierajhrała Čechiju ź likam 4:3.
Stanovišča kamand: Kanada – 11 punktaŭ (4 hulni), ZŠA, Słavakija – pa 9 (pa 4 hulni), Čechija – 7 (5), Niamieččyna – 3 (4), Biełaruś – 0 (4).
Pieršyja čatyry kamandy zabraniravali miescy ŭ čverćfinale.
Niamieččyna i Biełaruś (matč raspačniecca a 15.15 u paniadziełak) vyjaviać chto zojmie piataje miesca ŭ padhrupie, a chto apošniaje. Biełarusam, kab zaniać piataje, patrebna tolki pieramoha.
***
Pierad pačatkam čempijanatu, nieadnarazova ŭ kołach, nabližanych da zbornaj, traplańnie ŭ čverćfinał ličyłasia vyrašanaj spravaj. Zadača-maksimum była zmahacca za medali.
Pakul u lepšym vypadku nam "śviecić" 9-10 miesca. U horšym vypadku budziem 12-mi z 16-ci zbornych.
Kamientary