Dahavor kupli‑prodažu «Hazpromu» akcyj AAT «Biełtranshaz» budzie zaklučany da 1 červienia
I ŭžo vyznačana kankretnaja data, kali kiraŭnik «Hazpromu» pryjedzie dla padpisańnia ŭ Miensk.
Pieršy vice‑premjer Biełarusi Uładzimir Siamaška pierakanany, što dahavor kupli‑prodažu «Hazpramu» akcyj AAT «Biełtranshaz» budzie zaklučany da 1 červienia biahučaha hoda.
«Ja siońnia [10 traŭnia] čarhovy raz razmaŭlaŭ sa staršynioj praŭleńnia AAT «Hazpram» Alaksiejem Mileram. Kali my ź im sustrakalisia pieršy raz u lutym biahučaha hoda pa padrychtavanych prajektach dakumientaŭ (dahavor kupli‑prodažu akcyj «Biełtranshazu», statut sumiesnaha pradpryjemstva), byŭ 31 punkt roznahałośsiaŭ. Na ŭčarašni dzień zastavałasia 2,5 punkta roznahałośsiaŭ. U chodzie siońniašniaj razmovy ź im adzin sprečny punkt źniaty», — raskazaŭ Uładzimir Siamaška. Pavodle jaho słoŭ, baki damovilisia, što astatnija roznahałośsi buduć źniaty zaŭtra.
Uładzimir Siamaška padkreśliŭ, što dahavor kupli‑prodažu budzie padpisany da kanca maja. Užo vyznačana kankretnaja data, kali Alaksiej Miler z hetaj metaj pryjedzie ŭ Minsk, dadaŭ jon.
U cełym Uładzimir Siamaška adznačyŭ, što baki nastrojeny kanstruktyŭna, kab hety dahavor adbyŭsia i pieršyja 12,5 pracenta akcyj «Biełtranshazu» za $625 młn. byli pradadzieny «Hazpramu».
BIEŁTA
http://www.belta.by/by/news/econom?id=153996
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran
Kamientary