«Hazprom» i Dziaržaŭny kamitet pa majomaści Respubliki Biełaruś u piatnicu taki padpisali damovu kupli-prodažu akcyj «Biełtranshazu». Biełaruś adrakłasia prava załatoj akcyi.
Rasiejski hazavy hihant AAT «Hazprom» i Dziaržaŭny kamitet pa majomaści Respubliki Biełaruś u piatnicu padpisali damovu kupli-prodažu akcyj «Biełtranshazu».
Jak paviedamiła pres-słužba «Hazpromu», pavodle damovy, rasiejskaja kampanija nabyvaje 50% akcyj «Biełtranshazu» za $2,5 młrd
Apłata akcyj budzie ažyćciaŭlacca roŭnymi dolami ŭ čatyry etapy ciaham 2007-2010 hh. Na kožnym etapie AAT «Hazprom» budzie nabyvać 12,5% akcyj AAT «Biełtranshaz». Da zakančeńnia ździełki, akcyi AAT «Biełtranshaz», jakija padlahajuć prodažu AAT «Hazprom», nie pavinny być adčužanyja, abo abciažaranyja, abo pieradadzienyja ŭ załoh.
Ciaham 50 dzion paśla pierachodu da AAT «Hazprom» prava ŭłasnaści na pieršuju častku akcyj AAT «Biełtranshaz» u pamiery 12,5% statutnaha kapitału tavarystva pavinny być sklikany pazačarhovy schod akcyjanieraŭ AAT «Biełtranshaz» nakont pytańnia novaha składu naziralnaj rady tavarystva.
AAT «Hazprom» i urad Biełarusi taksama padpisali dapaŭnieńnie da pratakołu pa pytańniach stvareńnia sumiesnaj biełaruska-rasiejskaj hazatranspartnaj arhanizacyi i pastavak, a taksama tranzytu pryrodnaha hazu cieraź Biełaruś ad 31 śniežnia 2006 h.
Dadatak praduhledžvaje paetapnaje (ciaham 2008-2010 hh. pavyšeńnie ŭzroŭniu aptovaj nacenki da cany hazu, što realizujecca AAT «Biełtranshaz» kancavym spažyŭcam Biełarusi, a taksama abaviazki biełaruskaha boku nie ŭvodzić asobnaje prava dziaržavy (h. zv. «załatuju akcyju») na ŭdzieł u kiravańni AAT «Biełtranshaz».
Tranzyt rasiejskaha hazu pa terytoryi Biełarusi ŭ 2007 h. składzie 45,8 młrd. kub.m., u tym liku pa hazaprovadzie «Jamał-Eŭropa» - 30 młrd. kub.m.
***
Raniej u piatnicu pradstaŭnik «Hazpromu» Siarhiej Kupryjanaŭ kazaŭ, što padpisańnie damovy adkładziena da 1 červienia. Pry hetym biełaruski bok paviedamiŭ, što padpisańnie damovy pra kuplu-prodaž u piatnicu nie adbudziecca.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB42
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary