Vyznačyŭsia pieramožca najbolš prestyžnaha kamandnaha chakiejnaha turniru śvietu. Upieršyniu ŭ historyi ŭładalnikam Kubku Stenli staŭ klub «Anahajm Majty Daks». Jašče letaś za jaho hulaŭ biełarus Rusłan Salej.
Vyznačyŭsia pieramožca najbolš prestyžnaha kamandnaha chakiejnaha turniru śvietu. Upieršyniu ŭ historyi ŭładalnikam Kubku Stenli staŭ klub «Anahajm Majty Daks». «Kačaram» spatrebiłasia piać hulniaŭ, kab pieramahčy ŭ finalnaj seryi «Atavu Senatars» i zavałodać trafejem.
Nahadajem, što jašče letaś za «Anahajm» vystupaŭ biełaruski lehijaner Rusłan Salej. Letam 2006 hodu kiraŭnictva «kačaraŭ» admoviłasia zaklučać z našym chakieistam doŭhaterminovy kantrakt. Salej źmianiŭ uźbiarežža Cichaha akijanu na ŭźbiarežža Atlantyčnaha, pierabraŭšysia ŭ «Fłarydu Panterz». «Pantery» sioleta navat nie zmahli patrapić u płej‑of Kubku Stenli, a «Anahajm» staŭsia jaho pieramožcam.
Adnojčy Salej užo hulaŭ u finale Kubku Stenli, u 2004 hodzie. Tady «Anahajmu» supraćstajali «djabły» ź Ńju‑Džersi. U napružanaj siamimatčavaj seryi «kačary» sastupili. Tady Salej adznačyŭsia pieramožnaj šajbaj u adnoj z sustreč.
U hetyja dni taksama musić vyznačycca ŭładalnik Kubka Kołdera, druhoha pa ranhu chakiejnaha turniru Novaha śvietu. U finalnaj seryi «Hamiltan» biełarusa Michaiła Hraboŭskaha ź likam 3:1 vyjhraje ŭ «Chieršy».
Źmicier Pankaviec
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary