Mikałaj Damaškievič adpraŭleny ŭ adstaŭku. Jaho źmianiŭ jahony pieršy namieśnik Leanid Krupiec.
Mikałaj Damaškievič adpraŭleny ŭ adstaŭku.
Siońnia Alaksandar Łukašenka pryznačyŭ novaha kiraŭnika Mienskaha abłvykankamu.
Mikałaja Damaškieviča na hetaj pasadzie zamianiŭ Leanid Krupiec, jaki apošnim časam pracavaŭ hałoŭnym inspektaram pa Viciebskaj vobłaści.
Praŭda, prabyŭ jon na hetaj pasadzie samuju kryšku, ad 1 sakavika. Da taho jon byŭ pieršym namieśnikam Damaškieviča, i dobra viedaje haspadarku centralnaje vobłaści.
Papiaredni inspektar pa Viciebščynie, Zianon Łomać, ciapier uznačalvaje Kamitet dziaržaŭnaha kantrolu.
Čutki pra adstaŭku Damaškieviča chadzili daŭno. Sam Damaškievič mieŭ reputacyju «krepkaha haspadarnika». Niahledziačy na šmatlikija hraški, Łukašenka zachoŭvaŭ jaho va ŭładzie. Znajomyja jany byli z časoŭ Viarchoŭnaha Savietu CHII sklikańnia.
* * *
Leanid Krupiec naradziŭsia ŭ 1956 hodzie ŭ v. Makašy Niasvižskaha rajona.
Svaju pracoŭnuju dziejnaść pačaŭ u 1975 hodzie bryhadziram palavodčaj bryhady kałhasa imia Dziaržynskaha Niasvižskaha rajona. U 1975—1977 hadach słužyŭ u Savieckaj Armii.
U 1983 hodzie skončyŭ Univiersitet Družby narodaŭ imia P. Łumumby ŭ Maskvie. U 1983—1984 hadach pracavaŭ małodšym navukovym supracoŭnikam Biełaruskaha navukova-daśledčaha instytuta achovy raslin, u 1984—1985 — ahranomam-technołaham na Haradziejskim cukrovym kambinacie.
U 1985—1986 hadach byŭ instruktaram Niasvižskaha rajkama KPB, u 1986—1990 — zahadčykam arhanizacyjnaha adździeła Niasvižskaha rajkama KPB. Z 1990 pa 1993 hod pracavaŭ namiesnikam staršyni Niasvižskaha rajonnaha Savieta deputataŭ.
U 1993—1998 hadach byŭ pieršym namiesnikam staršyni rajvykankama, načalnikam upraŭleńnia sielskaj haspadarki i charčavańnia Niasvižskaha rajvykankama. A ŭ 1998 hodzie byŭ naznačany staršynioj Niasvižskaha rajonnaha vykanaŭčaha kamiteta. Z 2002 da 2007 hoda zajmaŭ pasadu pieršaha namiesnika staršyni Minskaha abłvykankama.
U 2007 hodzie byŭ naznačany pamočnikam Prezidenta Respubliki Biełaruś — hałoŭnym inśpiektaram pa Viciebskaj vobłasci.
Krupiec Leanid Fiodaravič uznaharodžany miedalom «Za pracoŭnyja zasłuhi».
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?4
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2828
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama28
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary